kapkovi-infekcii-2
Споделете со пријателите!

Во екот на пандемијата и седењето дома, претпоставуваме дека најчесто ги слушате и читате зборовите Коронавирус, SARS-CoV-2, COVID-19, капкови инфекции…
Во краткиот текст кој следува, Др. Звезда Спасовска – педијатар од ПЗУ Старс Медика во Скопје, објаснува што се тоа капкови инфекции и зошто толку брзо се шират.

“Сите ние испуштаме мали честички односно капки од плунка додека зборуваме…но кога кашламе и киваме, тие честички ги распрскуваме многу повеќе и многу подалеку дури и до неколку метри” – објаснува Д-р Звезда Спасовска

Погледнете го следното видео:

Ние и микроорганизмите

“Ние и микроорганизмите како предизвикувачи на различни болести си “живееме” заедно, односно не сме стерилни. Некои од тие микроорганизми се поопасни од другите и предизвикуваат многу тешки болести а некои само обична настинка. Ако сме болни од грип, морбили или имаме настинка, овие патогени можеме да им ги пренесеме на другите луѓе. Со кашлање и кивање, од нас излегуваат вирусите (или бактериите) кои се “кријат” во клетките на нашите органи за дишење, бидејќи тука се размножуваат (реплицираат).

Со кашлање и кивање, од нас излегуваат вирусите (или бактериите) кои се “кријат” во клетките на нашите органи за дишење, бидејќи тука се размножуваат (реплицираат).

На тој начин им ги пренесуваме на луѓето кои се во близина или на предметите каде што ќе паднат. Микроорганизмите се обвиени во капки од нашата плунка и поради тоа можат далеку да патуваат а исто така можат долго време да се задржат во воздухот, особено во помали затворени простории. Исто така, тие капки можат да паднат на некоја површина или пак лице кое е инфицирано, може со марамче да го избрише носот а после тоа со раката со која го држел марамчето, да се фати за некоја квака од врата или да допре друг предмет. На тој начин се шират капковите инфекции” – објаснува Д-р Звезда Спасовска.

Прочитајте:  Сепак има поврзаност помеѓу антибиотиците и зголемувањето на алергиите

kapkovi-infekcii-1

Миењето раце како заштита

“Поради сè она што го кажавме погоре, најбитна работа за да се заштитиме и да спречиме понатамошно ширење на капкови инфекции, е миењето раце” – истакнува Д-р Спасовска

„Поради сè она што го кажавме погоре, најбитна работа за да се заштитиме и да спречиме понатамошно ширење на капкови инфекции, е миењето раце” – истакнува Д-р Спасовска

“Миењето раце не треба да биде површно туку темелно. Многу е битно на децата да им се објасни правилното миење на раце. Најдобро е т.н. хируршко миење на рацете по следниот редослед: наводенете ги рацете со чиста вода (топла или ладна), исклучете ја славината или тргнете ги рацете од млазот вода и нанесете сапун. Тријте ги рацете со сапунот на дланката, позадината, меѓу прстите и под ноктите во времетраење од најмалку 20 секунди. Измијте ги рацете со чиста вода и на крај исушете ги рацете со чиста крпа.

Сапунот ги разорува вирусните честички и поради ова, правилното миење на рацете е една од главните заштитни мерки.”

Новата болест COVID-19, која е предизвикана од вирусот SARS-CoV-2, познат како коронавирус, е исто капкова инфекција. Некои други инфекции како на пример жолтица или инфекциите со HIV вирусот, се пренесуваат преку телесните течности. Од нив можеби заштитата е полесна бидејќи единствено што треба да избегнуваме е контакт со телесни течности, како крв или урина, но и тоа не е така едноставно. Сепак, капковите инфекции се најефикасен и најбрз начин за ширење на вирусите.

Поради тоа и се многу опасни и тешко се контролираат и предизвикуваат пандемии.


Споделете со пријателите!