Од лоша исхрана и стрес до сериозни проблеми со црниот дроб. Што ви кажуваат вашите нокти?
Кога поголемиот дел од луѓето гледаат во своите нокти, забележуваат дека треба да ги намалат, исчистат или да престанат да ги гризат. Но дерматологот може да забележи многу повеќе од тоа. Пред да се упатите на лекар, прочитајте неколку показатели кои ја откриваат вашата здравствена состојба. Што всушност откриваат ноктите?
Хоризонтални линии
Хоризонталните линии, познати како „Бо (Bean) линии“ често се поврзани со сериозен физички стрес. Изгледаат како линии над ноктот, а често се појавуваат кај луѓе кои имале хемотерапии. Овој случај може да е и резултат на повреда, но линиите кои се создаваат сами низ ноктот вклучуваат нетретиран дијабетес, болести поврзани со висока температура како мали сипаници, заушки, пневмонија. Вдлабнувањата на ноктот можат да бидат знак и на недостаток на цинк. Интересно кај овие хоризонтални линии е тоа што често се појавуваат кај луѓе кои биле на висини над илјада метри и планинари кои учествувале на експедиции на висока надморска височина.
Бледи нокти
Многу бледите нокти укажуваат на заболувања на црниот дроб, конгестивна срцева слабост или анемија.
Бели нокти
Ако ноктите се бели, со темни краеви, тие може да укажуваат на проблеми поврзани со црниот дроб, како на пример, хепатитис.
Жолти нокти
Најчеста причина за жолтите нокти е габична инфекција. Доколку инфекцијата се влоши, самиот нокт може да се распадне. Во поретки случаи, жолтите нокти водат кон посериозни состојби, како проблеми со тироидната жлезда, белодробни заболувања, псоријаза или шеќерна болест.
Кршливи нокти
Основна причина за кршливите и слаби нокти е недостатокот на витамини. Слабите нокти, исто така се поврзани со болест на тироидната жлезда, додека пак пукнатините на ноктот најчесто се создаваат поради габични инфекции.
Темни линии под ноктот
Овие темни линии кои што се појавуваат под ноктот, треба да се испитаат веднаш, бидејќи понекогаш се предизвикани од меланом.
Грицкање нокти
Гризењето на нокти често може да биде навика, но во некои сличаи тоа е знак на анксиозност. Ако гризењето не може да запре треба да се разговара со доктор за проблемот, поврзан со опсесивно – компулсивно нарушување.
Иако ноктите ги покажуваат знаците на телото, овие промени не се задолжителни како прв знак. Сепак, никако не значи дека сите показатели на ноктите се опасни, односно не значи дека сите оние со бели нокти имаат хепатитис. Доколку сте загрижени за изгледот на вашите нокти или забележете невообичаена промена, задолжително посетете го вашиот дерматолог.
