Бидете наспани и енергични за добар почеток на денот
Веќе пишувавме за причините и последиците за инсомнијата минатата недела. Но ете научивме, прочитавме, ама не добивме одговор на она што да направиме. А тоа најчесто ги интересира оние кои се погодени со оваа истоштувачка состојба. За среќа најчесто несоницата многу брзо се надминува со мали промени во животниот стил, совети за подобра превенција и успешно справување со стресот, бихејвијорална психолошка терапија и секако секогаш практикувајки ги добрите навики за спиење и употребата на додатоци во исхрана ќе можат успешно да ви помогнат да се справите со несоницата. На кој начин?
Магнезиум + Б6
Mагнезиумот и витаминот Б6 се важни хранливи состојки за правилно функционирање на организмот. Претставуваат есенцијални хранливи материи за соодветна телесна функција. Тие придонесуваат за нормална функција на нервниот систем, нормална психолошка функција и за намалување на заморот и на исцрпеноста. Секоја хранлива супстанца одделно игра улога во различни телесни процеси. Магнезиумот е познат како еден од најважните природни додатоци во исхраната во светот, и е ко-фактор на повеќе од 300 ензимски системи. Особено е важен за многу аспекти на микроцелуларно ниво, како во структурата така и функцијата. Тој е длабоко вклучен во производството на енергија, внесот на кислород, функцијата на централниот нервен систем, балансот на електролитите, метаболизмот на гликозата и мускулната активност, вклучувајќи ги и сите важни мускули како и срцето.
Аденозин трисфосфатот (АТП) претставува главен извор на енергија во клетките, кој мора да биде врзан за магнезиумски јон за да биде биолошки активен.
Она што се нарекува АТП е всушност Мг-АТП, неопходно соединение за производство на енергија. Пиридоксин или витамин Б6 познат и како анти-стрес витамин е неопходен за синтеза на речиси сите неуротрансмитери – хемиски материи во улога на комуникациски средства меѓу нервните клетки. Недостаток на витамин Б6 влијае на нивото на серотонин и норепинефрин во мозокот што предизвикува промени во расположението.
Пасифора (Passiflora incarnate)
P. incarnatе има многу општи имиња, вклучувајќи пурпурна пасифлора и мајстоп. Раните студии сугерираат дека може да помогне во олеснување на несоницата и анксиозноста. Се чини дека го зголемува нивото на гама-аминобутерна киселина (GABA) во вашиот мозок. Ова соединение ја намалува активноста на мозокот, што може да ви помогне полесно да се опуштите и да спиете подобро.
Валеријана (Valeriana officinalis)
Најчесто се користи за лекување на нарушувања поврзани со спиењето и анксиозноста. Валериан има механизам на дејство сличен на бензодиазепините. Сепак, наместо да се врзува за гамма-субединицата како бензодиазепин, се чини дека се врзува за бета подединицата на ГАБА-А рецепторот. Без оглед на тоа, го има истиот ефект врз движењето на хлоридот во невронот кога главниот инхибиторен невротрансмитер, GABA, се врзува за GABA-A рецепторот, предизвикувајќи хиперполаризирана состојба. Покрај тоа, докажано е дека валеријаната го успорува метаболизмот и воедно елиминацијата на GABA, со што и овозможува на GABA да остане подолго. Многубројни клиничките испитувања јасно имплицираат дека валеријаната може да биде корисна за лекување на несоницата.
Kалифорниска булка или Мак (Eschscholtzia californica)
Калифорниската булка е спектакуларен цвет кој е убав и лековит, а неговото семе е чест додаток на преубави рецепти од кујните на нашите баби. Денес, се користи првенствено за ослободување од несоница, нервни нарушувања и нервна болка, главоболки, болки во грбот и синдром на немирни нозе. Иако е близок роднина на афионот, Калифорниската булка не содржи никаков вистински опиум. Нејзиното терапевтско дејство е акредитирано на различен сет на алкалоиди од оние кои се наоѓаат во опиумот. Билката помага во проблемите со спиењето, особено кај пациентите кои не можат да спијат поради болка, пред се од повреди на мускулно-скелетниот систем. Поседува антиспазмодичен ефект, доволно за да може да биде од големо олеснување во терапевтскиот третман на мускулни грчеви од секаков вид.
Мелатонин
Мелатонинот на природен начин го враќа балансот на ритамот ден-ноќ, особено за оние кои имаат нестандардно работно време или оние кои страдаат од несоница предизвикана од различни фактори. Постојат и природни извори на мелатонин, односно намирници кои што го стимулираат неговото лачење, во случаи на несоница. Мелатонинот придонесува за скратување на времето потребно за заспивање и за ублажување на субјективното чувство на замор предизвикано од промена на временските зони.
Нане (Mentha Piperita)
Нането, познато уште како мента е вид на цветно растение кое расте во услови на континентална клима. Во наши услови е распространето по високите планински предели и ливади. Во исто време нането е една од традиционалните лековити билки. Природниот вкус на нането е благ и освежувачки. Најчесто се конзумира во вид на напиток, ладен или топол.Ароматичниот чај од ова растение работи добро за да го намали стресот и да ве ослободи од вознемиреност. Може да се користи во облик на тинктури, етерични масла, бонбони за ублажување на болки во грлото. Фенолните состојки кои се наоѓаат во листовите содржат росмаринска киселина и неколку флавоноиди, главно ериоцитрин, лутеолин и хесперидин. Главните испарливи компоненти на есенцијалното масло се ментол и ментофон. Пеперминтот има значајни антимикробни и антивирусни активности, силни антиоксидантни и антитуморни дејства, како и антиалергенски потенцијал. Студиите демонстрираат релаксирачки ефект врз ткивото на гастроинтестиналниот,
Маточина (Melissa officinalis)
Древните арапски лекари ја нарекувале трева за срце, а ја сметале погодна за зајакнување на сите витални способности и особено делотворна кај губиток на помнењето или појава на напнатост. Се работи за исклучително сигурно, нетоксично растение, без особени предупредувања и ограничувања на употреба. Листот од маточина или пчелинок, како што уште ја нарекуваат, има седативно, антиинфламаторно и антивирусно дејство. Се препорачува за подобар сон, за подобрување при варењето на храната, смирување на симптомите на мачнина и повраќање, стресни состојби, при главоболки, при настинки и при состојби на нервна напнатост. Освен што е лековита, маточината е и мирисна, украсна, ароматична, зачинска и индустриска, а за нејзините лековити својства, најзаслужни се есенцијалните масла цитронелал и цитрал, пелини и танини, кои ги опуштаат мускулите, го зајакнуваат срцето и имаат антибиотско дејство. Етеричното масло е седатив и средство против надуеност, а може да се користи и за ревматизам и невралгија, помага при убоди од комарци, а успешна е и кај неврози на желудникот и цревниот систем, психовегетативни заболувања на срцето и мигрени. Докажано е дека маточината ја зајакнува концентрацијата а благодарение на антиоксидативните дејства кои ги содржи помага и кај заболените од Алцхајмер, во подобрување на нивните когнитивни способности.
Спиењето е многу важно за вашето здравје исто како и здравата исхрана и редовната физичка активност.
Без оглед која е главната причина за проблем со спиењето, несоницата влијае подеднакво и на менталното како и на физичкото здравје. Затоа потрудете се да бидете наспани. Вашето тело ќе ви биде благодарно!
