Споделете со пријателите!
Синдромот именуван по една од најубавите детски книги
Синдромот „Алиса во земјата на чудата“ или „Тод“ синдром е невролошка состојба која се одразува на перцепцијата. Луѓето патат од микропсија (предметите изгледаат помали отколку што навистина се) или макропсија (предметите во околината изгледаат поголеми отколку што се), односно нарушување на перцепцијата која што нема врска со видот, туку со мозокот. Токму заради сличноста на симптомите со популарната детска книга „Алиса во земјата на чудата“ од Луис Карол, синдромот го носи ова има.
Најчесто се поврзува со мигрени (може да се јави кај 20 отсто од лицата кои боледуваат од силна мигрена), тумор на мозок или употреба на дрогата ЛСД.
Овие симптоми често се јавуваат во периодот на детството и многумина учат да живеат со ова нарушување кое се губи веќе во тинејџерските години, што значи дека синдромот се смета за привремена состојба. Се претпоставува дека е предизвикан од многу големи количини на електрична активност која резултира со зголемен проток на крв во оние делови на мозокот задолжени за процесирање на визуелната перцепција.
Се смета дека и самиот Луис Карол пател од силни мигрени, пропратени со микропсија, кои што наводно му биле инспирација за доживувањата на Алиса.
Споделете со пријателите!
