Роботи одредуваат дали сте убави [ВИДЕО]

Роботски натпревар за убавина кој претендира да стане дијагностицирање на иднината

Руската компанијата Youth Laboratories го организираше првиот натпревар за убавина Beauty.AI – Beauty Artificial Intelligence, во кој во својство на жири беше вештачка интелигенција, односно роботи.

На натпреварот учествуваа повеќе од пет илјади луѓе од целиот свет, со тоа што прикачуваа своја селфи фотографија на мобилната апликација Beauty.AI за iOS и Android, заедно со податоци за возраст, пол, раст и други биометриски параметри. Во жири биле ангажирани три роботи. RYNKL за проценка на бројот на брчките на учесниците од секоја возрасна група; MADIS – Model Alliance Digital Intelligence Scout за споредување на сличноста на човековите карактеристики со оние на познати актери и модели, а алгоритам за проценка на симетријата ја одредувал структурата на лицето. На крај, алгоритамите одбраа 10 мажи и жени, кои станаа победници во пет старосни категории. Овој натпревар е само првична задача, со цел да го привлече вниманието на широката јавност, но не е главна цел на компанијата.

Нивната примарна цел е да го решат проблемот со стареењето.

Тие се специјализирани во технологијата за анализа на дигитална слика на кожата, за откривање на биомаркери за стареење, како и за целосна анализа на здравјето. Во иднина, тимот планира да ги научи компјутерите да го дефинираат статусот на човековото здравје според лицето. Во моментов е активен вториот натпревар за убавина „Лабораторија на младоста“ во кој секој може да учествува. Роботите ќе ги прогласат новите победници на почетокот на август 2016 година, така што сè уште имате време да се пријавите.

Погледнете го видеото во прилог: