Колачи со лаванда и ореви

Интересен рецепт со необичен додаток – лаванда

Можеби лаванда во јадење звучи чудно, ама ако не ставите премногу, лавандата додава многу интересен мирис и вкус. Наберете неколку гранчиња, ставете ги во отворена тегла околу две недели да се исушат. 

Колачињата по вид се всушност земички или лепчиња кои најчесто се јадат за појадок, и можат да бидат со разни други додатоци или дури и солени, и многу се убави и меки кога се топли.

За потребите на рецептот може да искористите павлака за кафе, додека во оригиналниот рецепт се користи сурутка. Ако не сакате сурутка, може да употребите и јогурт. Овој рецепт е направен со павлака за кафе. 

Загрејте ја рерната на 200°C. Крупно сомелете ги или истолчете ги цветчињата лаванда. Во вангла измешајте ги брашното, шеќерот, прашокот за пециво и лавандата. Додајте ги коцките путер и со прсти измешајте ги со брашното. Додајте ги оревите и промешајте. Изматете го јајцето со павлаката, истурете го во брашното и мешајте со вилушка додека целото брашно не се натопи. Ако е многу течно, додајте брашно, лажица по лажица додека не се добие меко тесто кое може да се префрли на маса (посипана со брашно) и да се оформи во правоаголник со дебелина од 2 – 3 см.

Исечете го тестото на 6 или 8 еднакви парчиња, или на повеќе од 8. Ако го исечете на 6 парчиња во вид на правоаголници, ќе добиете големи колачи за десерт, но доволно големи за појадок, не се големи. Ставете ги парчињата во тавче врз хартија за печење, премачкајте ги со млеко (или со павлака за кафе) и печете ги 12 – 15 минути, или додека не се само малку заруменети. Оставете ги малку да се оладат пред да ги прелиете со глазурата.

Глазурата направете ја непосредно пред да ги прелиете колачите.

Само измешајте го шеќерот во прав со млеко или павлака за кафе додека не добиете мазна глазура. Прелијте ги колачите и посипете ги со неколку цветчиња лаванда. Топли се најубави, прелиени со малку павлака за кафе и со малку џем од сливи.

* рецептите со во целост преземени од ситно сецкано