hepb-tretman_1
Споделете со пријателите!

Потенцијален лек за инфекциите од хепатитис Б вирусот (ХБВ) е пронајден од страна на австралиски научници. Пациентите во Австралија сега се први во светот кои имаат пристап до овој  третман – комбинација на антивирусни лекови и анти-канцер лекови – кој е во фаза на клинички испитувања во Мелбурн, Перт и Аделаида.
Истражувачите на Волтер и Елиза Хал Институтот (Walter and Eliza Hall Institute) од Мелбурн развија третман со користење на birinapant, лек развиен од страна на американската биотехнолошка компанија TetraLogic Pharmaceuticals за лекување рак. Хепатит Б е хронична вирусна болест која во моментов е неизлечива.

Марк Пелегрини (Marc Pellegrini), Грег Еберт (Greg Ebert) и неговите колеги од институтот, ги користеа своите студии за однесувањето на вирусот на хепатитис Б во инфицираните клетки како основа за третманот. Нивните откритија се објавени во две трудови во списанието Зборник на трудови на Националната академија на науките (PNAS) – (можете да ги прочитате тука и тука).

Новиот третман исто така може да помогне во лекувањето на ХИВ, херпес и денга треска.
Пелегрини изјави дека третманот е успешен во лекување на инфекции во претклинички модели, што доведе и до фаза на човечки клинички испитувања кои започнаа во декември.

“Бевме 100 отсто успешни во лекување на ХБВ инфекција во стотици тестови во претклинички модели”, изјави Пелегрини. “Birinapant-от ги уништува клетките инфицирани со хепатитис Б во црниот дроб, истовремено оставајќи ги нормалните клетки неповредени. Интересно е да се напомене и дека кога birinapant бил администриран во комбинација со веќе постоечкиот антивирусен лек entecavir, инфекцијата беше совладана двапати побрзо во споредба со само birinapant.”

Прочитајте:  Експанзија на овчи сипаници во Македонија

Повеќе од две милијарди луѓе во светот се заразени со хепатитис Б и околу 400 милиони имаат хронична ХБВ инфекција. Вирусот ги инфицира клетките на црниот дроб и може да доведе до компликации, вклучувајќи цироза и рак на црниот дроб, што резултира во повеќе од 780.000 смртни случаи годишно.

hepb-tretman_2
Хепатитис Б вирус

Третманите кои им овозможуваат на клетките-домаќин да се ослободат од овој вирус, наместо таргетирање на самиот вирус, може да се спречи појавување на отпорни видови на вирусот на хепатит Б , рече Пелегрини.

“Релативно е лесно за некој организам да се прилагоди на лекот, но многу тешко да се адаптираат на промените во клетката домаќин”, рече тој. “Вирусот се потпира на механизмите за опстанок на клетката-домаќин, па ако не може да ги искористи, умира. Таквите монументални промени во животната средина на вирусот може да бидат премногу голема пречка за тој да се прилагоди.”

Пелегрини и неговите колеги сега ќе испитуваат и дали истата стратегија би можеле да ја применат и за други хронични заразни болести.

Патогените кои ги заразуваат и престојуваат во клетките на домаќинот, тука вклучувајќи ги и вирусните болести како што се ХИВ, херпес симплекс и денга треската, како и некои бактериски инфекции, како што е туберкулозата, сите тие може потенцијално да се излечат на сличен начинПелегрини

Споделете со пријателите!