Превенција на ХПВ инфекциите преку засилување на имунитетот

Имунитетот е клучен за превенција од ХПВ вирусот 

Човечкиот папиломен вирус (HPV — Human Papillomavirus) е папиломен вирус кој ја инфицира кожата и мукозните мембрани кај луѓето. ХПВ е толку чест што речиси 80% од сексуално активните мажи и жени, го добиваат во некој период од нивните животи. Има околу 130 различни типови на ХПВ. Некои од нив можат дури и да предивикаат сериозни здравствени проблеми и рак. Многу е поопасен за жени отколку за мажи.

Може да се добие преку сексуален однос од некој кој го има вирусот. ХПВ може да се добие иако партнерот не покажува никакви знаци и симптоми на ХПВ вирусот. ХПВ вирусот може да предизвика сериозни здравствени проблеми како цервикален канцер, канцер на вагината или анален канцер. Исто така, може да предизвика и канцер на грлото, вклучувајќи ја базата на јазикот и тонзилите така наречен орофарингеален канцер.

Како да се спречи ХПВ и сериозните здравствени проблеми предизвикани од него?

• Со вакцинирање. ХПВ вакцините се безбедни и ефикасни;
• Употреба на презервативи секогаш кога се има сексуален однос  – ги намалуваат шансите за да се добие ХПВ вирусот;
• Лимитиран сексуален однос – Сексуален однос со партнер кој знаете дека нема ХПВ вирусот;
• Зголемување на имунитетот.

За последната точка, на зголемување на имунитетот се препорачуваат неколку начини и тоа:

1. Променет режим на исхрана – Ако вашиот режим на исхрана се состои од брза храна и газирани пијалоци, тогаш вашиот имунитет страда. Потребно е да земате повеќе зеленчук, овошје, месо, риба и сл.
2. Контролирајте го стресот – Стресот ги намалува во телото т.н. natural killers клетки, кои понатаму не можат да ве бранат од различни болести.
3. Земање на суплементи кои го зголемуваат имунитетот. Тие можат да бидат: фолна киселина, коензим Q10, витамин Ц, цинк и некои пробиотици.

Пробиотиците кои се препорачуваат за зголемување на имунитетот се Bacillus subtilis, Lactobacillus rhamnosus и Lactobacillus casei. Вирусните инфекции се покажаа дека главно го напаѓаат имуниот систем, ги убиваат natural killer клетките, макрофагите и неутрофилите. Внесувањето на пробиотиците се покажа како ефикасен начин за намалување на времетраењето на вирусните инфекции. Бактеријата Bacillus subtilis се покажа како ефикасна, при намалувањето на инциденцата на респираторни, дигестивни и гинеколошки инфекции предизвикани од вируси, и намалување на нивното времетраење.

Доколку се зема превентивно, начинот на кој делува е преку зголемување на имунитетот, му дава можност на самото тело да има појак имун одговор во самиот почеток на вирусната инфекција во телото.

Доколку се зема откако веќе е настапена вирусната инфекција, тогаш помага преку зголемување на имунитетот да се намали времетраењето на вирусната инфекција, и на тој начин да се спречи понатамошна прогресија на вирусот во телото. Друг ефект кој се постигнува е создавањето на анти-патогени состојки, компетитивност со патогените микроорганизми, зачувување на мукозалниот интегритет и стимулација на имун одговор. Bacillus subtillis стимулира и системско создавање на макрофаги и natural killer клетки.

Д-р Захарија Парталоска Шипинкаровска, специјалист гинеколог