Се чини дека пладневниот сон ги намалува нивоата на крвниот притисок исто како и другите промени во животниот стил.
Нови истражувања коишто беа презентирани на 68-та годишна научна сесија на Американскиот универзитет за кардиологија покажаа дека луѓето кои преспивале напладне имале поголема веројатност за намалување на крвниот притисок во споредба со оние кои не преспивале.
Студијата вклучила 212 лица со среден крвен притисок од 129,9 mm Hg. Повеќе од половина од учесниците биле жени и биле на просечна 62-годишна возраст. Околу 1 од 4 учесници биле пушачи и/или имале тип 2 дијабетес. Групите биле слични во однос на факторите на ризик за срцеви заболувања, освен што имало повеќе пушачи во групата испитаници коишто спиеле напладне.
Истражувачите ги следеле следните работи кај испитаниците: крвниот притисок во текот на 24 часа последователно, пладневните преспивања коишто во просек траеле 49 минути, животните навики (на пример, консумација на алкохол, кафе и сол, ккако и нивоата на физичка активност) и брзина на импулсниот бран – мерка за вкочанетост во артериите. Учесниците носеле уреди за мерење и следење на крвниот притисок во редовни интервали секојдневно, а не само еднаш во клиниката. Пред започнувањето на студијата, исто така, им бил направен ехокардиограм – ултразвук на срцето што ја покажува неговата структура и функција.
Во своите анализи, истражувачите се приспособиле на факторите за кои се знае дека влијаат на нивото на крвниот притисок, вклучувајќи ги и возраста, полот, начинот на живот и лековите. Не постоеле разлики во однос на бројот на антихипертензивни лекови земени помеѓу двете групи и тестовите за брзината на пулсниот бран и ехокардиограмите исто така биле со слични резултати.
Севкупно, просечниот 24-часовен систолен крвен притисок бил помал од 5.3 mm Hg кај оние кои спиење напладне во споредба со оние кои не спиеле (127.6 mm Hg vs 132.9 mm Hg). Кога ги гледале и броевите на крвниот притисок, луѓето кои спиеле во текот на денот имале поповолни резултати (128.7 / 76.2 vs 134.5 / 79.5 mm Hg). Исто така, според резултатите е забележана директна линеарна врска помеѓу спиењето и крвниот притисо, односно за секој час спиење просечниот 24-часовен систолен крвен притисок е намален за 3 mm Hg.
„Се чини дека пладневниот сон ги намалува нивоата на крвниот притисок исто како и другите промени во животниот стил. На пример, намалување на солта и алкохолот може да го намали нивото на крвниот притисок за 3 до 5 mm Hg, додека ниски дози на антихипертензивни лекови, во просек, го намалуваат нивото на крвниот притисок од 5 до 7 mm Hg“, истакна Манолис Калистратос, кардиолог во „Asklepieion General Hospital“ во Вула, Грција, и еден од коавторите на студијата.
Ова е прва студија за проспективно да се процени влијанието на пладневниот сон врз нивото на крвниот притисок кај луѓето чиј крвен притисок е разумно контролиран, според истражувачите. Истиот истражувачки тим претходно нашол докази дека пладневното се поврзува со намален крвен притисок и помалку препишани антихипертензивни лекови кај луѓе со многу висок крвен притисок.
„Овие наоди се важни затоа што падот на крвниот притисок, дури и за 2 mmHg, може да го намали ризикот од кардиоваскуларни заболувања, како што е срцев удар, за 10%. Сепак, очигледно е дека не сакаме да ги охрабруваме луѓето да спијат со часови во текот на денот, но од друга страна, со оглед на потенцијалните здравствени придобивки, тие не треба да се чувствуваат виновни ако можат да преспијат напладне“, вели Калистратос.
