Дали некогаш сте размислувале зошто одбирате да пиете?
Лесно е да се заклучи дека потрошувачката на алкохол е резултат на илјадници години традиција и животна навика. Но, дали некогаш сте размислувале зошто одбирате да пиете?
Познавање на причината што ги тера луѓето да пијат е важно за подобро да се осознаат нивните потреби кога станува збор за охрабрување да пијат помалку, или на помалку штетен начин особено кога се гледа од аспект на алкохолизам.
Четири типови
Доколку се гледа од личен аспект секој може да наведе многу причини зошто тој пие, но тоа го отежнува научното разбирање на причините.
Аспектот од кој се гледа на мотивот заради кој се консумира алкохолот е наречен мотивационен модел на употреба на алкохол, кој тврди дека пиеме затоа што очекуваме промена во тоа како се чувствуваме откако ќе го сториме тоа.
Првично оваа класификација е развиена за да помогне во лекувањето на зависноста од алкохол, идеите опишани во моделот доведоа до ново разбирање на тоа што ги мотивира луѓето да пијат.
Поточно, моделот прецизира дека луѓето пијат за да ги зголемат позитивните чувства или да ги намалат негативните. Според овој модел луѓето кои посегнуваат по чашката се мотивирани од внатрешни награди, како што се добивање на посакуваната лична емоционална состојба или преку надворешни награди, како што е социјалното одобрување.
Ова резултира да сите мотиви за пиење спаѓаат во една од четирите категории:
Категорија која пие за подобрување (бидејќи е возбудливо), категорија која пие за справување (да заборавам на моите грижи), социјална категорија (да слават) и категорија за усогласеност конформитет (да се вклопат во средината).
Пијачите (Алкохоличарите) можат да припаѓаат на една или повеќе категории и да имаат повеќе мотиви за пиење. Сите други фактори – како што се генетските, личноста или животната средина – само ги дооформуваат мотивите за пиење според овој модел. Значи мотивите за пиење се конечената патека за употреба на алкохол. Тоа значи дека, тие се портата низ која се канализираат сите други влијанија.
1. Социјално пиење
До денес, речиси сите истражувања кои се однесуваат на мотивите за пиење се направени на тинејџери и младите луѓе. Низ различните култури и земји, социјалните мотиви се најчеста причина заради која младите посегнуваат кон пиење алкохол.
Според овој модел, социјалното пиење може да го практикувате за да ја зголемите забавата со вашите пријатели. Ова се вклопува во идејата дека пиењето е генерално социјално поминување на времето. Пиењето заради социјални мотиви е поврзано со умерено користење на алкохол.
2. Пиење за да се усогласиш со средината
Кога луѓето пијат само во социјални прилики тоа е само затоа што сакаат да се вклопат – нивниот избор за алкохол не е вообичаен избор што обично го прават – пијат помалку од оние кои пијат заради други причини.
Тоа се луѓе кои ќе испијат една чаша шампањ за здравица, или чуваат вино во раката за да не се чувствуваат поинакви од оние што пијат околу нив.
Во последните неколку години, програмите како Hello Sunday Morning ги охрабруваа луѓето да се направат пауза од пиењето.
И со тоа што во оваа програма се однесува на врската на индивидуата со алкохолот и го представува проблемот на социјално прифатлив начин, целта е да ги намали негативните повратни информации што некои луѓе ги добиваат кога им се влијае за да не пијат, иако ова е теорија која има потреба да се тестира.
3. Пиење за подобрување
Настрана од едноставното пиење за дружење, постојат два типа на адолесценти и млади луѓе кај кои постои ризична комбинација на типот на личноста и мотивите за пиење.
Прво се оние кои пијат водени од мотиви за подобрување. Поверојатно е дека ќе бидат екстровертни, импулсивни и агресивни.
Овие млади луѓе (честопати машки) се со поголем ризик да активно https://www.ncbi.nlm.nih.gov/pubmed/16460883 бараат да се чувствуваат пијани – како и да се склони на други екстремни чувства – и да имаат личност што презема ризик.
4. Пиење за да се справи со животот, реалноста, проблеми
Оние кои пијат главно мотивирани од проблемите со кои се соочуваат, покажуваат повисок степен на невротичност, ниско ниво на усогласеност со средината и негативен став кон себе. Овие пијачи може да користат алкохол за да се справат со други проблеми во нивниот живот, особено оние поврзани со анксиозност и депресија. Најчесто тука веќе и станува збор за алкохолизам.
Голема е веројатноста овој тип на пијачи да бидат женски, да пијат повеќе и да доживеат повеќе проблеми со алкохолот до степен на зависност, отколку оние кои пијат поради други причини.
Иако може да е ефективно на краток рок, пиењето за справување со проблемите доведува до полоши долгорочни последици. Ова може да биде затоа што проблемите кои довеле до пиење не биле идентификувани како такви и не се пристапило кон нивно решавање, туку само се избегнувало лошото чувство кое настанало заради проблемите-со пиење алкохол.
Зошто е важно
Постои ветувачко истражување кое сугерира дека откривање на мотивите кај тешките алкохоличари може да доведе до интервенции за намалување на алкохолот. На пример, една студија покажала дека насочувањето на сесиите за советување кон мотивите за пиење ја намалува консумацијата на алкохол кај жени, иако немало значително намалување кај мажите.
Ова сознание од истражувачкиот поток кој е направен, е ограничено од фактот што во него се вклучени лица во тинејџерски години и раните 20-ти години. Истражувањето зошто возрасните прибегнуваат кон пиење е ограничено, но е нешто што истражувачка група ќе го истражи во иднина.
Следниот пат кога ќе пиете, размислете зошто го избирате тоа.
Голем е бројот на луѓе навечер и викенди кои се напиваат за да се релаксираат. Но, ако пиете за да се опиете, имате поголема шанса од другите да си наштетите. Соочете се со себе си, побарајте го проблемот кој ве води до желбата за напивање, ако е нерешлив прифатете го, ако е решлив превземете акција, и секогаш имајте на ум дека проблемот се уште ќе постои следното утро заедно со мамурлукот.
