Австралија како една од земјите со највисока стапка на рак на кожата, од 1 јануари 2015 година го забрани сунчањето во солариуми
Забраната за сунчање во солариуми стапи во сила од 1 јануари во државите Нов Јужен Велс, Викторија, Јужна Австралија, Тасманија, Квинсленд и на територијата на главниот град Канбера.Останатите територии освен северна Австралија ќе го спроведат закон но сеуште немаат одредено точен датум за забрана на кабините кој го овозможуваат толку посакуваниот бронзен тен.
Со тоа Австралија ќе постане втора земја во светот, после Бразил која ги забранува солариумите.
Солариумот не е шега, истражувањата покажуваат дека употребата на солариум на возраст помеѓу 18 и 39 години го зголемува ризикот од меланом, најчестата форма на рак на кожата во просек за 41 %. Дел од европските земји како и САД го забранија користењето на солариум за малолетниците.
“Австралија веќе има највисока стапка на рак на кожата во светот, а нема сомнеж дека постои директна врска меѓу редовната употреба на солариумот и малигниот меланом”, изјавува вршителот на должноста министер за здравство Mark McArdle.
Според податоците на Државниот совет за рак во Австралија, две третини од жителите ќе имаат некој вид рак на кожата пред да наполнат 70 години, што е за два до три пати повисока стапка отколку во Канада, САД и Велика Британија. Повеќе од 2.000 Австралијанци почина од рак на кожата во 2011 година, поголемиот дел од меланом.