Ова е прва студија за испитување на начинот на кој појадокот пред вежбањето влијае врз нашиот одговор на храната консумирана по вежбањето.
Британска студија открива дека појадокот пред утринското вежбање го поттикнува телото да согорува повеќе јаглехидрати за време на вежбањето, како и дека го забрзува варењето на храната што се консумира подоцна во текот на денот.
Во студијата биле вклучени 12 здрави мажи кои наутро еден час возеле велосипед. Некои од нив појадувале каша направена со млеко два часа пред вежбањето или пак по вежбањето.
Истражувачите ги тестирале нивоата на гликоза во крвта и нивоата на гликоген во мускулите на испитаниците. Тие откриле дека кај оние коишто појадувале пред да вежбаат, појадокот ја зголемил стапката на која телото ги согорувало јаглехидратите за време на вежбањето, како и дека ја зголемил стапката на која телото ја варело и метаболизирало храната којашто ја консумирале по вежбањето.
„Ова е прва студија за испитување на начинот на кој појадокот пред вежбањето влијае врз нашиот одговор на храната консумирана по вежбањето“, потенцира Хавиер Гонзалес, ко-водич на студијата и предавач на Универзитетот во Бат.
Исто така, студијата открива дека појадокот пред вежбањето го зголемува согорувањето на јаглехидратите за време на вежбањето, но исто така дека овие јаглехидрати не доаѓаат само од појадокот што е консумиран пред вежбањето, туку и од мускулите каде што јаглехидратите се складираат во форма на гликоген. Ова зголемување на употребата на мускулен гликоген може да објасни зошто има побрзо ‘чистење’ на шеќерот во крвта по ручекот кога појадокот бил консумиран пред практикувањето на некоја физичка активност“, вели Единбург.
Оваа студија сугерира дека јадењето појадок пред вежбањето може да го подготви нашето тело за побрзо складирање на храната којашто ја јадеме подоцна во текот на денот.
„Бидејќи оваа студија ги дознава само краткотрајните одговори на нашето тело на појадокот и вежбањето, долготрајните импликации се сè уште нејасни. Сепак во тек се студии коишто испитуваат дали редовното јадење појадок пред или после вежбање може да влијае на здравјето на човекот“, велат истражувачите во извештајот на студијата објавена на 15 август во дневникот „American Journal of Physiology: Endocrinology and Metabolism“.
