Споделете со пријателите!
Вкусна и лесна пита за вашиот денешен ручек
Младо кромитче е една од првите асоцијации за пролет. Толку вкусно, толку потсетува на пролет и толку лесно применливо во разни рецепти. Неговиот најдобар квалитет е дека одговара со многу различни јадења. Овој пат, прочитајте како да подготвите пита со младо кромитче, која е многу вкусен и лесен ручек. Питата исто така има и колбаси, и доколку не сакате, секако дека може да ја направите без нив.
За тестото:
- 300 гр. интегрално брашно;
- 1 лажичка сув квасец;
- 50 гр. путер, на собна температура;
- 120 мл. вода
За филот:
- 10 млади кромитчиња;
- 1 шолја кисела павлака;
- 2 јајца;
- 1 лажичка сол;
- свежо мелен црн бибер;
- 3 тенки колбаси, исечени на пола по должина.
Измешајте ги брашното, квасецот, путерот и водата и измесете ги во тесто. Покријте го тестото со крпа и оставете го да отстои триесетина минути. Исчистете ги младите кромитчиња и ставете ги да се варат со малку сол, во вода која полека врие, околу 10 минути. Потоа исцедете ги. Истапкајте го тестото на дното на тавче со димензии отприлика 25 x 35 cm, а кората на краевите направете ја малку подебела. Изматете ја павлаката со јајцата, солта и црниот бибер и истурете ја врз тестото. наредете ги кромитчињата и колбасите и ставете ја да се пече во рерна загреана на 200°C околу 20 минути.
* рецептите со во целост преземени од ситно сецкано
Споделете со пријателите!
