Kај пациентите со прекумерна тежина на кои им била направена операцијата ризикот да добијат срцев удар или мозочен удар во период од пет години се намалил за 40 отсто.
Според нова студија, операцијата за намалување на дебелината може да помогне во спречување на срцев и мозочен удар кај луѓе кои имаат прекумерна телесна тежина и дијабетес.
Познато е дека операцијата за намалување на прекумерна тежина може да им помогне на луѓето да ги намалат килограмите и подобро да ги контролираат здравствените состојби како дијабетесот и високиот крвен притисок. Но досега не беше јасно дали таа истовремено помага во намалување на ризикот од добивање срцев и мозочен удар.
Истражувачите велат дека новите наоди сугерираат дека одговорот е „да“ – операцијата за намалување на тежината кај луѓето со прекумерна тежина и дијабетес може да го намали ризикот за мозочен и срцев удар понатаму во животот.
Тимот што ја предводел студијата открил дека Kај пациентите со прекумерна тежина на кои им била направена операцијата ризикот да добијат срцев удар или мозочен удар во период од пет години се намалил за 40 отсто. Кај оние пациенти кај коишто била направена операцијата, исто така, се покажала помала веројатност за две третини дека ќе умрат за време на периодот во кој се одвивала студијата, се потенцира во извештајот, објавен на 16 октомври во дневникот „Journal of the American Medical Association“.
„За повеќето луѓе, лековите, исхраната и вежбањето се камен-темелник за управување со дијабетес тип 2. Но за луѓето со прекумерна дебелина сето ова може да не биде доволно“, изјави д-р. Дејвид Артербурн, истражувач во Институт за истражување на здравјето „Kaiser Permanente Washington“, во Сиетл, Вашингтон.
Тој вели дека се надева дека новите наоди ќе поттикнат повеќе лекари да започнат да разговараат за операцијата за намалување на прекумерна тежина со пациентите коишто страдаат од неа и од дијабетес како можна опција за подобрување на нивната состојба и заштитување на понатамошното здравје.
Артербурн потенцира дека студијата не била клиничко испитување кое директно ја тестирало операцијата за намалување на тежината и правело споредба помеѓу неа и стандардниот начин на нега на дијабетес. Таа е набљудувачка студија каде што истражувачите ги споредиле случаите на луѓето со дијабетес коишто биле подложени на операцијата и слични пациенти коишто ја третирале состојбата на дијабетесот на вообичаениот начин – со одредени лекови, исхрана и физичка активност.
Сепак, новите наоди обезбедуваат најдобри докази досега дека операцијата за намалување тежина може да спречи срцев и мозочен удар. Оваа операција е инвазивна, бидејќи постојат ризици и тие бараат доживотни промени во животниот стил на пациентот. Сепак, според Американскиот национален институт за здравје, оваа операција може да биде добра опција за луѓе со индекс на телесна маса (ИТМ) од 40 или повисок. Всушност, луѓето со помалку сериозна дебелина, со ИТМ од најмалку 35, може да бидат кандидати за оваа операција ако имаат состојби како што се дијабетес или ноќна апнеја.
За да може да оформи едно долгорочно гледиште на ситуацијата, тимот на Артербурн ги испитал записите од околу 5.300 пациенти со дијабетес тип 2 кои биле подложени на операција за намалување на прекумерна тежина. Тие биле споредувани со слични пациенти кои користеле орални лекови, понекогаш и инсулин во управувањето со нивниот дијабетес. Во текот период од пет години, нешто повеќе од 4 отсто од пациентите коишто користеле лекови доживеале срцев или мозочен удар. Наспроти овој процент, процентот на пациентите што доживеале срцев или мозочен удар во групата којашто била подложени на операцијата за намалување тежина бил двојно помал – 2 отсто.
Истражувачите ги разгледале и другите фактори, вклучувајќи ја и возраста и рацата на пациентите, како и тоа дали имале неконтролиран висок крвен притисок и операцијата сè уште била поврзана со 40 отсто понизок ризик од кардиоваскуларни компликации.
