Одобрен е новиот булимија уред за слабеење [ВИДЕО]

Нов уред за слабеење кој се коси со некои морални општествени норми, поради тоа што потсетува на болеста булимија, им овозможува на пациентите да ја дренираат храната од својот желудник после оброците

Одобрувањето на оваа направа од страна на Американската агенција за храна и лекови (FDA) изминатиот месец, поттикна доста жестоки реакции кај јавноста. Уредот е наречен AspireAssist или народски „булимија машина“.Критичарите се загрижени затоа што ова може да доведе до нарушени навики за јадење кај луѓето. Намената на овој уред е да им се помогне на пациентите со прекумерна телесна тежина кои не успеале да ја намалат својата тежина на друг начин.

Начинот на кој функционира е дренжа на храната директно од желудникот во тоалетот и тоа до една третина од калориите консумирани при секој оброк.

На официјалната страница на AspireAssist тврдат дека ова е сосем нов пристап кон слабеењето и дека ова е нехируршки начин на намалубање на телесната тежина. Пациентите со инсталирана „булимија машина“ треба да ја џвакаат храната внимателно и да отидат во тоалетот максимум 30 минути после оброкот, пред калориите да се апсорбирани во телото. Етички гледано, на овој начин непотребно се исфрла голем дел од храната што може воопшто да не биде консумирана. Сепак, прекумерно дебелите лица имаат проширен желудник и овој начин на слабеење може да им помогне да го намалат овој дигестивен орган по нехируршки пат и конечно можат, односно мораат да научат да јадат побавно, помалку и внимателно.

Многу лекари се згрозени од овој уред

Пациентите закачуваат надворешен уред кој отвора вентил во нивниот абдомен, низ кој се исфрла непотребната храна. Корисниците потоа го плакнат стомакот со вода и повторно дренираат и целата оваа постапка трае 10 минути. Медицинските професионалци се згрозени од овој изум. „(…) Ова е како лоша шега“ – вели ендокринологот и дијабетологот Џозеф Гутман – Joseph Gutman од Флорида, кој третирал пациенти со прекумерна телесна тежина повеќе од 30 години.

Дали станува збор за вистинска опасност од преминување од една крајност во друга – лекување на една болест за сметка на појава на друга болест? Или можеби станува збор за реакција поради конкурентски причини? Д-р Гутман работи на случајот за да ги тужи FDA со цел да го тргнат овој уред од пазарот. Тој има за цел да мобилизира 4 илјади лекари за да му се придружат и до сега собрал 750, изјавува тој. AspireAssist бил патентиран во 2013 година од страна на Aspire Bariatrics of Pennsylvania.

Неколку лекари кои се занимаваат со дебелина соработувале врз развојот на овој проект, а меѓу нив бил и Дин Камен – Dean Kamen, пронаоѓачот на уредот за движење Segway. И покрај некои силни негативни критики за булимија машината, таа може да биде потенцијално корисна. Некои научни студии открија дека до сега им помогнала на многу пациенти да ослабат. Исто така, истражувачите за време на тестирањето на новиот уред за слабеење, изјавиле дека тој не поттикнал нарушување во исхраната, но кај некои пациенти се појавиле несакани последици како проблеми со варењето на храната, запек, повраќање и дијареја. 

ВИДЕО: