Нова клиничка болница во Штип

Квалитетот на еден здравствен систем првенствено зависи од квалитетот и знаењето на здравствените работници, квалитетот и софистицираноста на опремата и од квалитетот на здравствената инфраструктура.

Дозволете ми денес да го промовирам проектот за изградба на најсовремената, најмодерната и најквалитетната здравствена инфраструктура во Македонија.

Реализацијата на овој проект ќе значи изградба на болница со карактеристики и функционалности, каква што досега не е изградена во Македонија. Изградбата на оваа болница ќе постави стандард кој ќе треба да се достигне не само во Македонија туку и пошироко во регионот.

Изградбата на нова и современа болница во Штип ќе овозможи современи услови за здравствена заштита за над 200.000 жители од градот Штип и целиот источен и југо-источен регион на Македонија кои ќе имаат директен бенефит од изградбата на новиот објект на КБ Штип.

Станува збор за инвестиција во вредност од приближно 30.000.000  евра (за градежните работи)