Споделете со пријателите!
Додека кај нас постојано „никнуваат“ паркинзи за автомобили, Холандија го изгради најголемиот паркинг за велосипеди во светот
Најголемиот паркинг за велосипеди во светот се наоѓа во Холандија, во градот Утрехт, во билизна на железничката станица. Иако кај нас, можеби несериозно се сфаќа потребата од паркинг за велосипеди, во Холандија тоа е голем и сериозен проблем. Најголем дел од населението, освен велосипеди, користи јавен превоз. Така, железничките станици се преплавени со велосипеди за кои веќе нема место каде да се остават. Засега е отворен само еден дел од овој паркинг, кој нуди простор за 6 илјади велосипеди, број кој до 2018 година се планира двојно да се зголеми, односно да биде со капациет од 12 500 места за велосипеди. Со тоа, тој станува најголемиот паркинг за велосипеди, поголем од оној во Токио.
Овој паркинг е бесплатен, потребно е да се покаже само карта за воз. Сепак, граѓаните (коишто како што покажува статистиката – секој од нив поседува по еден велосипед) се зазгрижени дека за брзо време и овој паркинг нема да биде доволен и дека е потребно да се изнајдат и други решенија.
Споделете со пријателите!
