najdobrite-10-fitnes-trendovi-za-2017-godina_image
Споделете со пријателите!

Да се биде во форма е секогаш во тренд, а во 2017 година очекувајте многу финтес технологија и вежби за издржливост
Сила и издржливост наспроти да се биде слаб – е најдобриот и најважниот тренд за 2017 година. Токму затоа, не се популарни диети од кои ќе гладувате и вежби коишто ќе ве изнемоштуваат. Американскиот Колеџ за спортска медицина, спроведе анкета и ги оформи најдобрите 10 фитнес трендови за годината што ни претстои. Анкетата е спроведена врз повеќе од 1 800 здравствени и сертифицирани фитнес професионалци ширум светот, врз чии искуства и предвидувања се формираа следниве најпопуларни фитнес трендови за 2017 година:

1. Фитнес технологија – показатели на активност познати како „фитнес трекери“, смарт часовници, срцеви монитори и GPS направи за следење, како и голем број мобилни фитнес апликации, ќе бидат голем дел од фитнесот во 2017 година. Технологијата е сè повеќе во функција на постигнување на фитнес целите, и овој тренд понатаму само ќе расте. Зошто се популарни и први на листата? Бидејќи со тоа што го покажуваат напредокот што го правите од ден во ден, дополнително мотивираат и охрабруваат да се оди понатаму.

najdobrite-10-fitnes-trendovi-za-2017-godina_image12. Тежински тренинг – овој вид на тренинг користи минимална опрема, правејќи ја подостапна и тренинг кој се задржува на основите на вежбањето. Вежбите со тегови создаваат мускулна маса, што значи долгорочно забрзување на метаболизмот. Тие се многу ефективни, лесно достапни и имаат придобивки за целокупното здравје, па затоа заслужено се вбројуваат во најпопуларните фитнес трендови.

3. Високо интензивен тренинг (HIIT) – кратко интензивно вежбање со кратки периоди на одмор. Во трка со времето, сакате да бидете фит а да не поминувате цел ден во сала за вежбање. Токму заради комбинацијата од голема ефективност која се постигнува за кратко време, овие вежби продолжуваат да бидат прв избор на многумина. Ваквите фитнес програми траат околу половина час и беа апсолутен тренд во 2016 година, а анкетата покажува дека овој тренд нема да запре и во годината што следи.

4. Фитнес професионалцивежбање со помош на личен тренер придонесува за најдобри резултати и тоа од повеќе причини; тренерот ќе направи специјални вежби коишто точно ќе одговараат на вашите потреби и ниво на физичка подготвеност, ќе го промени вашиот однос кон вежбањето како начин на живот и ќе придонесе да ја зголемите физичката активност на подолгорочен план.

Прочитајте:  Надворешна и внатрешна заштита од сонце - BioAstin

5. Тренинг за сила (strength training) – опфаќа повеќе видови на вежби како тежински тренинг, подигање тегови, склекови, стомачни и сл. Овој тренинг ја подобрува рамнотежата и позитивно влијае врз зацврстување на коските, како и ефективно слабеење. Тренингот за сила не само што ќе ви го дефинира и зацврсне телото, туку и ќе го подобри вашето целокупно здравје.

6. Вежбање во група – вежбањето во група ќе го направи секој фитнес предизвик позабавен а воедно ќе придонесе и кон поголема мотивација, па токму затоа, овој вид на вежбање ќе биде еден од водечките во годината што следи.
najdobrite-10-fitnes-trendovi-za-2017-godina_image2

7. Вежбањето е лек – Доколку на еден стандарден лек му се потребни неколку денови за да делува, на вежбањето му е потребно една минута. Затоа, „вежбањето е лек“ е иницијатива создадена помеѓу медицинските и фитнес професионалците со цел да се зголемат можностите на пациентите да вежбаат под искусен надзор надополнет со извештаи што ќе бидат праќани на увид на лекар. Она што вежбањето го нуди во смисла на сила и енергија – не можете да го најдете во апче

8. Јога – Јогата не е нов тренд, но нејзината популарност продолжува да расте. Таа успешно го намалува стресот и вознемиреноста, а нејзините поборници тврдат дека вежбањето јога буквално го менува мозокот

9. Персонален тренинг – или личен тренинг не е исто што и личен тренер. Персонален тренинг значи лично, индивидуално познавање за здравјето преку фитнес, исхрана и сè она што подразбира здрав животен стил, како самите најдобро би знаеле што му одговара на вашето тело. На пример, посетувањето на PharmaNEWS.mk е одличен почеток за да ги добиете сите информации и да си го подобрите здравјето преку создавање на здрави животни навики.

10. Вежбање за слабеење – Храната е важна за намалување на телесната тежина, но не треба да биде единствена, туку слабеењето треба во голема мера да биде поттикнато и од вежбањето. Професионалците препорачуваат редовна физичка активност во комбинација со план на балансирана исхрана.


Споделете со пријателите!