Споделете со пријателите!
Нова медицинска метода на лекување на пациенти со проблеми со рожницата на Универзитетската клиника
Нова медицинска метода на лекување на пациенти со проблеми со рожницата (корнеата) со таканаречена крослинкинг метода, која претставува третман за нејзино зајакнување, е воведена на Универзитетската клиника за очни болести, каде е реконструирана посебна просторија и добиена е уште една операциска сала, опремена со нова апаратура. Целата инвестиција е во вредност од 10 милиони денари.
Со оваа метода може да се третираат: кератоконус (заболување на рожницата на окото кај која нормалниот облик на купола на рожницата постепено се истенчува предизвикувајќи промена во форма на конус кое резултира со значително намалување на видот), кератоглобус кератоектазија и други дистрофии и заболувања на рожницата.
По повод воведувањето на новата метода, министерот за здравство Никола Тодоров денеска ја посети Клиниката за очни болести, каде се сретна со директорите и со медицинскиот тим од таа јавна здравствена установа, при што истакна дека крослинкинг методата се користи пред кератопластика, која е сериозна и тешка операција, и особено е значајна кај помлади луѓе...
Превземено од: Министерство за здравство на Република Македонија
Споделете со пријателите!
