Заштита на мозокот од стареењето во текот на годините благодарение на овој вид на исхрана
Видот на храната што ја јадеме и тоа како може да влијае на квалитетот на нашиот живот. Поточно, добрата состојба на мозокот во подоцнежните години од животот може да зависи од видот на храната која ја јадеме. За да се докаже врска помеѓу овие две работи направено е истражување, а резултатите од истото се доста интересни.
Според ова истражување, медитеранската исхрана влијае врз здравјето на мозокот кај постарите луѓе. Всушност, луѓето кои се придржувале кон поздрава исхрана во текот на нивниот живот, слична или иста на медитеранската исхрана, имале повеќе мозочни клетки за разлика од луѓето кои не се хранеле на тој начин. Според истражувачите, здравата исхрана влијае позитивно врз нашиот мозок. Така, исхраната која се базира на повеќе риба, зеленчук, овошје, маслиново масло, мешунки и умерена количина на алкохол помага да имаме поздрав мозок во поодминатите години од нашите животи. Додека пак внесувањето на месо, млечни производи и заситени масти е потребно да се ограничи.
Луѓето кои го воделе овој истражувачки процес велат дека медитеранската исхрана го заштитува мозокот од стареење и ја спречува загубата на мозочни клетки. Во истражувањето учествувале околу 670 возрасни луѓе со просечна возраст од 80 години. Биле поделени во две групи според тоа колку нивната исхрана во текот на животот се придржувала до медитеранската. Испитаниците биле замолени да пополнат прашалници за начинот и видот на нивната исхрана. Исто така, како следен чекор во постапката бил измерен и обемот на нивниот мозок преку магнетна резонанца.
Истражувањето донело интересен резултат. Било заклучено дека обемот на мозокот (и на белата и на сивата мозочна материја) на луѓето кои не се придржувале до медитеранската исхрана во текот на животот бил помал за разлика од обемот на мозокот на тие луѓе кои се хранеле на тој начин. Разликата во обемот на мозокот на двете групи била околу пет годишно стареење. Со други зборови, мозокот на луѓето кои не се придржувале многу кон здравата исхрана се „однесувал“ како постар за 5 години од мозокот на луѓето во другата група.
Зошто е Медитеранската кујна најздрава – Д-р сци.хем. Драгица Зенделовска
Според ваквите резултати, придржувањето кон здрава исхрана слична на медитеранската може да го спречи стареењето на мозокот. А тоа е мошне значаен заклучок доколку се земе во предвид брзиот живот и стресот со кој се соочуваме секојдневно. Исхраната е, сепак, прилично значајна за нашето здравје.
