Хороскоп за 10та недела: Стресот е индивидуално доживување, тој кај секого различно делува. Близнаците сметаат дека се премногу убави за да бидат под стрес, Раковите се единствените кои што можат да го изедат стресот, а Водолиите сметаат дека стресот не постои.
Овен
Да не постоеше стресот и кратките рокови, никогаш немаше да завршите ниедна работа, бидејќи знаете да функционирате само на тој начин. Го сакате звукот на кратките рокови кога отсечно ви поминува покрај главата, но внимавајте да не останете без неа.
Бик
Зборот стрес, напишан на англиски јазик, кога се чита обратно значи десерт. За жал, на македонски не значи ништо, освен букви кои се распаѓаат слично како што се распаѓате вие кога сте изложени на стрес. Доколку стресот топеше калории, вие ќе бевте супермодел.
Близнаци
Кога сте под стрес, паничите дека сте под стрес. Односно, стресот ви создава стрес. Вие не го заслужувате тоа, бидејќи сметате дека сте многу убави за да бидете под стрес, а на светот му е потребна убавина.
Рак
Вие го јадете стресот, па затоа тој најмногу се одразува на вашата фигура. Oваа недела ќе бидете нервозни бидејќи нема да имате реални причини за стрес. За среќа, стресот е индивидуално доживување, па кој рече дека не може да си измислите причини за стрес?
Лав
Вашиот работен распоред за седмицата е веќе целосно исполнет, па затоа вие немате време за стрес. Животот ве научил дека доколку нешто доволно долго игнорирате, станува навика. Всушност игнорирање луѓе и ситуации е вашето омилено хоби.
Девица
Стресот го третирате како милениче. Вие сте единствениот знак кој всушност се справува со проблемите како возрасна личност. Се ослободувате од стрес со вежбање, но со што се ослободувате од вежбање? Не, вие не си поставувате вакви прашања, бидејќи ретко кој ужива во досадни работи колку што уживате вие.
Вага
Не можете да одлучите што ви создава стрес, а што не. Корисна информација е дека стрес се создава кога се грижите за нешто. Според тоа како се однесувате, вие навистина немате причини за грижа. Неделава ќе ја поминете убедени дека сте подобри од другите.
Шкорпија
Кога вие сте под стрес, изгледате необично мирно и пријатно до точка на непријатност. Зошто непријатност? Бидејќи знаеме дека во мислите ви вртат неколку описни ситуации во кои ги мачите оние што ви создаваат стрес.
Стрелец
Кој вели дека не знаете да се справите со стрес? Насмеани до уши, вие ќе прелетувате преку обврските со танцување. Никој нема да ги забележи нервните тикови на окото и сите ќе претпоставуваат дека намигнувате, додека лицето ви е во грч од монтираната насмевка.
Јарец
Стресот често ве напаѓа бидејќи не знаете да олабавите. Периодов сте доста амбициозни, а тоа значи дека ќе бидете многу анксиозни. Во ред е, луѓето околу вас се навикнати да се однесувате во крајности.
Водолија
Според вас, стресот е измислица и изговор за неуспех. Не верувате во него, исто како што не верувате во хороскоп, тарот, нумерологија и чесен политичар.
Риби
Одложувањето на обврските ви е омилена активност. Размислувањето за стресот нема да направи тој да исчезне, колку и да е интензивно. Ако бевте животно, вие сигурно ќе бевте ној, бидејќи проблемите ги решавате со закопување на главата во земја.
