prv-den-vo-kina-bez-nov-registiran-sluchaj-na-koronavirus_image
Споделете со пријателите!

Кина и Вухан по месеци борба со COVID-19 објавија дека за првпат не е забележан ниту еден нов локален случај.
Националната здравствена комисија пријави 34 нови случаи во регионот, но сите новозаразени во Кина пристигнале од странство. Кинеските власти соопштија дека досега во земјата биле заразени 81 илјади од кои 3 илјади починале.

Во меѓувреме Кина ја за раѕлика од Европа ја покажува својата солидарност при што над 300 доктори за интензивна нега од Кина пристигнаа во Италија со цел да им помогнат на своите италијански колеги во лекувањето на пациентите. Заедно со нив пристигнаа и тони опрема – заштитни маски, респиратори и други медицински помагала.

Сепак, колку и да е великодушна и добредојдена кинеската помош, на Италија и остатокот на Европа тоа нема да им биде доволно, иако станува збор за земји со исклучително развиен здравствен систем.

Само на една привремена болница во Милано ѝ се потребени 500 доктори и околу 1,400 медицински сестри за грижа на 400 пациенти кои се на интензивна нега.

Вчера во Милано пристигна и група од 37 доктори и 20 тони медицинска опрема која ќе биде распределена во болниците ширум Ломбардија, подрачје во Италија кое е најмногу погодено од епидемијата на коронавирусот.

Кинескиот град Вухан, од каде што почна да се шири пандемијата, ќе мора да помине 14 дена без новозаразени пред да бидат прекинати ограничувањата за патување, изјави кинески научник за странските медиуми.


Споделете со пријателите!