kako-se-manifestira-socijalnoto-anksiozno-rastrojstvo_image
Споделете со пријателите!

Социјалното анксиозно растројство понекогаш може да се манифестира со зацрвенување и брзо чукање на срцето.
Кај луѓето со социјално анксиозно растројство, исто така, наречено социјална фобија, секојдневните интеракции може да предизвикаат значителна вознемиреност, страв и непријатност. Социјалното анксиозно растројство е хронична состојба на менталното здравје, коешто кај личноста може да доведе до изолирање и повлекување во себе со што може да се наруши нормалното живеење и извршување на секојдневните активности.

Симптоми на социјално анксиозно растројство

Чувствата на срамежливост или непријатност во одредени ситуации не се секогаш знаци за социјално анксиозно растројство, особено кај децата. Нивоата на удобност во социјалните ситуации варираат, во зависност од особините и животните искуства на личноста. Некои луѓе се природно воздржани, додека други се поотворени. За разлика од вообичаената нервоза којашто една личност може да ја искуси повремено, социјалното анксиозно растројство вклучува значителен страв, анксиозност и вознемиреност кои влијаат на нормалното живеење. Социјалното анксиозно растројство обично започнува од почетокот до средината на тинејџерските години, иако понекогаш може да се појави кај помлади деца или кај возрасни.

Емоционални и бихевиорални симптоми

Знаците и симптомите на социјално анксиозно пореметување кај една личност може да вклучат:

  • Константен страв од ситуации во кои постои можност да им се суди;
  • Прекумерна грижа за себе понижување или посрамување;
  • Интензивен страв од интеракција или разговор со странци;
  • Страв дека другите ќе забележат дека изгледаат вознемирени;
  • Страв од физички симптоми кои може да им предизвикаат непријатност, како што се зацрвенување, потење или треперење на гласот;
  • Анксиозност за работење или зборување со луѓе заради страв од посрамотување;
  • Избегнување на ситуации каде што може да бидат центар на внимание;
  • Анксиозност заради исчекување на некоја активност или настан;
  • Трошење време на детална анализа на личните перформанси и идентификување на недостатоците во одредена социјална интеракција;
  • Очекување на најлошите можни последици од негативното искуство за време на одредена социјална интеракција.
Прочитајте:  Промена на повеќе временски зони - проблемот на секој што често патува

Физички симптоми

Социјалното анксиозно растројство понекогаш може да се манифестира и со физички знаци кај личноста што може да вклучат:

  • Зацрвенување;
  • Брзо чукање на срцето;
  • Тресење;
  • Потење;
  • Стомачни тегоби или гадење;
  • Проблеми со дишењето;
  • Вртоглавица или зашеметеност;
  • Чувство на блокирање на умот;
  • Мускулна напнатост.

Избегнување на вообичаени социјални ситуации

Луѓето со социјално анксиозно растројство може да имаат потешкотии во справувањето со вообичаени, секојдневни социјални искуства, вклучувајќи:

  • Интеракција со непознати луѓе или странци;
  • Присуство на забави или пријателски собиранки;
  • Одење на работа или во училиште;
  • Започнување на разговор;
  • Воспоставување на контакт со очите;
  • Запознавање нови луѓе;
  • Влегување во просторија во која луѓето веќе седат;
  • Јадење пред други;
  • Користење на јавен тоалет.

Причини за појава на социјално анксиозно растројство

Како и многу други состојби на менталното здравје, социјалното анксиозно пореметување најверојатно произлегува од комплексна интеракција на биолошките и факторите на животната средина. Можни причини за заболување од социјално анксиозно растројство вклучуваат:

  • Семејна историја на анксиозни нарушувања – Ваков тип нарушувања имаат тенденција да се повторуваат во кругот на семејството. Сепак, не е сосема јасно колку ова може да се должи на генетиката и колку на наученото однесување.
  • Структура на мозокот – Мозочниот нерв наречен амигдала може да игра улога во контролирањето на одговорот на стравот. Луѓето кои имаат хиперактивна амигдала може да имаат зголемен страв, предизвикувајќи зголемена анксиозност во социјалните ситуации.
  • Животна средина – Социјалното анксиозно пореметување може да биде научено однесување. Некои луѓе може да ја развијат состојбата по непријатна или засрамувачка социјална ситуација.

Споделете со пријателите!