kako-da-se-prifati-sushtinata-na-drugite-lugje_image
Споделете со пријателите!

Единствениот начин да живееме среќно е да го прифатиме она што не можеме да го промениме.
Многу статии се посветени на тоа како да се прифатиме себеси – еден од првите чекори за целосен живот. Мирот со светот, сепак, не е ограничен на работа со самиот себе. Потребно е да ги прифаќаме другите без да се обидуваме да ги менуваме.

Испитајте ги вашите мисли

Ајде да ги следиме нашите размислувања за другите. Проучувањето на луѓето од околината, собирање и анализа на информации – сето ова има за цел да ги категоризира. Човекот создава чувство на контрола со категоризирање на предметите и луѓето околу него. Но, ова оди заедно со проценка на личноста и нејзините постапки, што во голема мера ја зголемува веројатноста за осуда (како предрасудите и дискриминација). Ако имаме самоконтрола врз негативните проценки, како за нас самите, така и за другите, ќе наидеме на помалку потешкотии во прифаќањето на вистината за нив.

Побарајте го позитивното

Отфрлањето на личноста е последица на фактот дека се фокусираме да гледаме во нејзините негативни страни. Наместо да се фокусираме на тоа колку е поразличен другиот од нас, да се фокусираме на добрите особини, избори и постапки на таа личност.

Избегнувајте крајности

Примамливо е да се гледаат луѓе во црно-бело – оние со правилно и оние со погрешни ставови, но тоа едноставно не е реално. Не постои правилен или погрешен начин, бидејќи тоа е личен избор. Не можеме и не смееме да го одредуваме само нашето гледиште за вистинското.

Прочитајте:  Колку се штетни влагата и мувлата во домот

Престанете да се категоризирате самиот себе

Оценката која ја имаме за самите себе е резултат на истите критики што ги правиме внатрешно кон другите.

Ако престанеме да правиме притисок да бидеме „секогаш во право“, ќе престанеме да очекуваме и другите да го сторат истото. Запирањето на бесконечното одценување на другите е важен чекор кон прифаќањето.

Фокусирајте се на „сега“

Недостиг на прифаќање често се генерира од проблеми во минатото. Не треба да копаме непроменливи настани во историјата. Треба само да научиме да живееме со нивните последици.

Споредувањето на работите со минатото секогаш доведува до проценки и го попречува прифаќањето на она што постои сега.

Ставете се во нивна кожа

Како би се чувствувале ако некој ни суди? Ако не не прифатат нас? Следниот пат кога ќе почувствуваме дека се зголемуваат нашите предрасуди, може да се запрашаме токму тоа.

Лесно е да мислиме за себеси дека сме оној што прифаќа и дека сме добри луѓе. Но во моментот кога ќе се сретнеме со некој што е неприфатлив според нашите сегашни стандарди сето ова станува апстрактна идеја.

Единствениот начин да живееме среќно е да го прифатиме она што не можеме да го промениме.Оваа мисла треба да нè охрабри да ги испробаме горенаведените шест чекори, секогаш кога ќе почувствуваме дека влегуваме во конфликт и не ги прифаќаме нашите најблиски во целост.


Споделете со пријателите!