helicobacter-pillory-infekcija-rizici-i-kako-da-se-lekuva_image
Споделете со пријателите!

Застапеноста на Хеликобактер пилори инфекцијата кај популацијата во Македонија е околу 50%.
Стомачните тегоби се доста честа појава особено кај повозрасната популација, па така, речиси секој втор човек се жали на проблеми со желудникот и тегоби кои често го измачуваат. Најчести симптоми се киселини, болка со различен интензитет, печење или жарење во пределот на желудникот и чувство на надуеност. Сите овие симптоми, укажуваат на воспаление на слузокожата на желудникот, кое може да премине и во хронича форма.

Што е Helicobacter Pylori?

Најчесто, една од причините за ваквото воспаление е токму Helicobacter Pylori, патогена грам негативна бактерија откриена во 1982 година од австралиски научници. До тогаш, се сметало дека овие тегоби се последица на стрес, лоши животни навики, внесување на кисела и лута храна, алкохол, пушење и слично. Helicobacter Pylori е една од ретките бактерии која што е адаптирана за живот во екстремно кисела средина, како онаа во желудникот, бидејќи самата бактерија поседува посебни ензими(уреази) кои за неа креираат зона на ниска киселост во која таа може да опстане. Бактеријата се пренесува преку директен контакт со заразено лице (преку плунка), фекални остатоци (недостаток на хигиена и миење на рацете) и преку храна и пијалок. Зголемен ризик од инфекција има особено кај децата. Процентот на инфекција корелира и со социјално-економските услови на луѓето и е многу поголем во земјите во развој, отколку во високо развиените земји.

ХП инфекцијата, може да го оштети ткивото на желудникот и дуодендумот и да предизвика инфламација, како и да предизвика атрофичен гастритис, желудечен и дуоденален улкус, карцином на желудникот и MALT (mucous associated lymphoid tissue) лимфом.Симптомите најчесто вклучуваат: чувство на горење во стомакот, стомачна болка која е поинтензивна кога желудникот е празен, мачнини и повраќање, губење на апетит, често подригнување, надуеност, поголеми загуби на телесната тежина, како и потешки симптоми по кои треба веднаш да се јавите на лекар. Околу 80% од инфекциите со хеликобактер се асимптоматски, односно болниот нема некои посебни симптоми.

„Во поново време заедно со терапија се препорачува пробиотикот
Lactobacillus Reuteri која физички се врзува за Хеликобактер пилори и ја инактивира.

Дијагностицирање и терапија

Дијагностицирањето започнува со физички преглед и крвни тестирања, тестирање на столицата и поретко, уреа издишувачки тест. Исто така, може да се направи и гастроинтестинална ендоскопија и компјутерска томографија, а со земањето биопсија најсигурно се докажува присуството на H.pylori. Вообичаено, терапијата вклучува комбинација од два различни антибиотици заедно со инхибитори на протонска пумпа кои го намалуваат лачењето на желудочната киселина. Доколку и по завршувањето на терапијата пациентот повторно има симптоми, се повторува истата терапија, но, со друг антибиотик и/или со внесување на бизмут. Она што во голема мера го одредува успехот на терапијата е и примената на соодветни пробиотици Pylopass (сој на бактерии Lactobacillus reuteri со антимикробен ефект) кои како третман за поддршка, помагаат во сузбивање и уништување на бактеријата.

Прочитајте:  Превентива и третман на уринарни инфекции со пробиотици и Д маноза

Препораки за исхрана

Пациентите со ХП-инфекција треба да избегнуваат алкохол, кофеин, кисела, лута и масна храна, чоколадо и газирани пијалаци. Треба да се јаде почесто и помалку и по јадење да се остане во исправена положба и да се избегнува движење. Се препорачува внесување на пробиотици, кои што го стимулираат обновувањето на цревната микрофлора, која значително се оштетува со користење на интензивната антибиотска терапија. Растителните млека во комбинација со полнозрнастите житарки, продукти како варен зеленчук, компоти, лeсни колачи со овошје, риба и соја, поволно дејствуваат на слузокожата на желудникот.

М-р фарм. Соња Пецевска

pharmas_helicobalans_main_700x90


Споделете со пријателите!