kako-da-napravite-pravilna-detoksikacija_image
Споделете со пријателите!

Неколку совети за правилна детоксикација на организмот
Ладните денови веќе попуштаат и иако можеби пролетта не е толку блиску, сепак прочитајте ги советите во прилог, на тема: чистење на организмот. Правилната детоксикација е клучна за добри резултати а пред сè за здравјето. Секогаш имајте во предвид, дека детоксикација треба да биде временски одредена и најдобро е да не ја изведувате на своја рака, доколку имате во предвид да постигнете брзи резултати. Брзите резултати се секогаш осудени на пропаст, па затоа секогаш треба да се стремите да го подобрите здравјето. Во овој контекст, во продолжение следуваат неколку совети коишто го опфаќаат прашањата кога, како и зошто да се направи чистење на организмот.

Чистење на организмот

Нашиот организам често е оптоварен од консумирање на нездрава храна. Мора да се елиминираат пестицидите, уништувајќи ги токсичните отрови кои влегуваат во нашето тело преку исхрана и надворешните услови. Исто така, секојдневниот стрес, брзиот ритам на живот, како и слабата физичка активност, придонесуваат за оптоварување и слабеење на организмот и ја спречуваат неговата правилна работа.

Доколку сте секогаш уморени, бавни и имате лоша концентрација, тоа значи дека на вашиот организам му треба чистење.

Други симптоми дека има вишок на токсини во организмот се: главоболка, алергија, проблеми со кожата, депресија, дебелеење или пребрзо слабеење, слабо помнење.

Кога да се направи чистењето?

Најдобро време за правење детоксикација е пролет и лето. После долгата зима каде што во исхраната недостасуваат свежо овошје и зеленчук, време е да го збогатите организмот со витамини и минерали.

Како да се направи чистењето?

Од моето досегашно искуство, на моите спортисти им ги препорачувам следниве начини на детоксикација на организмот:

  • Една кафена лажица сода бикарбона, еден лимон, 250 мл млака вода наутро;
  • Зеолит (глина), се консумира наутро, една до две кафени лажици се промешуваат во чаша вода (200-250 мл);
  • Мешавина од цедено овошје, портокал, лимон и цитрон;
  • Комбинација од два цедени лимони и изрендан корен од ѓумбир;
  • Зелен чај, чај од коприва. 

Чистењето на организмот треба да се прави наутро, 30 до 40 минути пред првиот оброк. После 10 дена се прави пауза. Не заборавајте да внесувате течности во организмот минимум 2 литри во денот.

Зошто е добро да се прави детоксикација?

„Чистење на организмот не значи драстични диети, гладување или пиење сокови по цел ден

Чистењето на организмот не значи никакво нагло чистење со драстични диети, гладување или пиење сокови по цел ден.  Основната примена се базира на умерено консумирање на исхраната (житарици, семки, овошје, зеленчук, нерафинирани масла и др.), којашто ќе го нахрани организмот квалитетно, а истовремено ќе овозможи трошење и чистење на старите наслаги.

Останати придобивки коишто настануваат по детоксикацијата се: губење на вишокот килограми, ослободување од напнатоста, чиста кожа, зголемување на енергијата и подобар сон. Добрата детоксикација му овозможува на вашето тело да „започне одново“ и со тоа го  подобрува квалитетот на вашиот живот.


Споделете со пријателите!