Новата опција на „Инстаграм“ ви дозволува анонимно да пријавите фотографии од вашите пријатели за кои сте загрижени дека имаат ментални проблеми, депресија или нарушувања во исхраната или да побарате помош за вас
Социјалната платформа „Инстаграм“, често се критикува бидејќи прикажува нешто што е лажно, исполирана слика или фрагмент од реалноста. Но започнувајќи од понеделникот, оваа платформа конечно стана реална, благодарејќи на новата опција предвидена за помош. Опцијата нуди помош на оние коишто патат од психички проблеми.
Доколку наидете на објава на ваш пријател, и ви изгледа дека тоа лице има психички проблеми или нарушувања во исхраната, вие може анонимно да го пријавите. Потоа, „Инстаграм“ на тоа лице ќе му испрати порака за да му понуди помош преку совети и поврзување со контакт центри. Доколку во пребарувачот напишете теми коишто асоцираат на опасност, „Инстаграм“ веднаш ви нуди помош и три опции: зборувај со пријател, линија за помош, поддршка и совети. За целите на оваа нова опција, „Инстаграм“ соработува со многу центри од целиот свет коишто ги таргетираат овие проблеми. Марни Левин Marne Levine од тимот на „Инстаграм“ вели дека овие алатки се создадени да предочат дека вие не сте сами, дека сте дел од заедница која што се грижи за вас и вашата психичка состојба.
