Овој профил на „Инстаграм“ само докажува дека најчесто не го гледаме она што е пред нас
„Инстаграм“ корисничката Louise Delage со многу популарен профил со над 70 илјади следачи, на прв поглед изгледа како млада девојка која целосно ужива во животот. Живот прикажан на фотографиите на оваа 25 годишна Французинка изгледа премногу добар за да биде вистинит. И не е. Профилот е направен од страна на една агенција за свој клиент, со цел да пренесе важна порака поврзана со зависностите.
Она што можеби веднаш не го забележавте, е дека девојката на секоја фотографија е со алкохол во рацете. Идејата била да се прикаже и докаже колку лесно може да не забележите кога ваша блиска личност станува алкохоличар.
Овој профил на „Инстаграм“ само докажува дека најчесто не гледаме што е веднаш пред нас, што ни се случува „под нос“. Проблемот што се појавил од оваа кампања всушност е во следачите на профилот. Имено, најголем број од нив, на фотографиите гледале само убава млада девојка која се забавува, а не осамена девојка зависна од алкохол. Популарноста на профилот завршил со објавување на видето Like my addiction на 22 септември, коешто за голем дел од следачите било изненадувачки и пред сè освестувачки момент, дека всушност со нивната поддршка и „лајкање“ на фотографиите, тие ја поддржуваат зависноста или можеби и самите пројавуваат знаци на зависност.
