idninata-e-sega_image1
Споделете со пријателите!

Компании започнаа да вметнуваат чипови под кожата на вработените
Користењето на електронски картички како платежно средство е веќе вообичаена слика. Најновиот изум од биохакерите е чип кој се вметнува под кожата на вработените. Првите кои што одлучија да го пробаат овој нов пристап, е новата hi-tech компанија Епицентер – Epicenter.

Поткожниот чип (RFID) е со големина на зрно ориз кој се вметнува во раката.

RFID значи радиофреквентна идентификација, односно со помош на радиофреквентни сигнали врши автоматска идентификација. Засега овој чип го имаат само неколкумина, но за брзо време ќе им биде понуден како опција на останатите 700 вработени во тој комплекс. Со чипот, вработените можат да ги отвораат автоматските врати и да користат фотокопир, а понатамошните планови вклучуваат користење на чипот како платежно средство.

На денот на официјалното отворање на комплексот, чип му беше инсталиран на извршниот директор на компанијата. Процесот на вметнување започнува со масирање на кожата помеѓу палецот и показалецот и на тоа место се става средство за дезинфекција. Самото вметнување боли колку ставање на инјекција.

„Со технологијата имаме интеракција постојано. Денес е малку хаотично, потребни ни се пин кодови и лозинки. Нели би било поедноставно кога наместо нив, би користеле само допир на раката? Тоа е навистина проникливо.“, смета Hannes Sjoblad бизнис советник и гласноговорник за технолошки трендови, чиј главен интерес на истражување е влијанието на технологијата врз нашите тела.

Новите начини на функционирање и користење на новата технологија, ни потврдува дека сè е можно. Дали овој иновативен пристап на инсталирање на технологијата под кожата ќе стане општествено прифатена практика, останува да се види.

Прочитајте:  Отсега трансродовоста нема се смета за ментално нарушување

Споделете со пријателите!