toplo-cokolado-na-stapce-image
Споделете со пријателите!

Чоколадни подароци за вашите најблиски
Изненадете ги вашите пријатели со вкусни чоколадни изненадувања. Нашиот предлог е топло чоколадо на стапче, приготвено во домашни услови и со многу љубов. За подготовка на овие коцки ќе ви биде потребна модла, а може да послужи и кутија за мраз. 

  • 200 g чоколадо (доколку не сакате темно, може и млечно)
  • 3 лажици какао
  • 5 лажици шеќер во прав
  • 10 стапчиња за сладолед или за лижалчиња

Стопете го чоколадото во мало тенџере поставено врз друго тенџере во кое полека врие вода. Потоа тргнете го од шпоретот, додајте ги шеќерот и какаото и убаво измешајте. Ако мешањето оди тешко, вратете го тенџерето со чоколадо врз жешката вода на кратко и продолжете да мешате. Единствено внимавајте да не влезе вода во смесата, затоа што чоколадото може веднаш да се стврдне или воопшто нема да се стврдне во модлата.

toplo-cokolado-na-stapce-image2Кога шеќерот, какаото и чоколадото убаво ќе се соединат, префрлете ја смесата, која е прилично густа, во модлата за мраз и во средината на секоја коцка забодете по едно стапче за сладолед. Оставете го чоколадото неколку часа на собна температура за да се стврдне. Потоа извадете ги коцките од модлата и чувајте ги на собна температура во кутија.

Овие коцки може да бидат и вкусен топол пијалок. Доколу сакате да се напиете топло чоколадо, само потопете една коцка во жешко млеко и промешајте додека чоколадото не се стопи. Во оваа смеса може да се додаде мелен цимет, каранфилче или ванила, или дури и малку лут црвен пипер за топло чоколадо со мексикански вкус. 

Прочитајте:  Торта од палачинки

* рецептите со во целост преземени од ситно сецкано


Споделете со пријателите!