Споделете со пријателите!
Прочитајте како Рене Зелвегер одржува здрава телесна тежина и покрај наглите физички промени коишто мораше да ги направи за нејзината кариера
Актерката Рене Зелвегер е најпозната по улогата на Бриџит Џонс, улога за која таа два пати во период од 3 години, претрпи големи промени во својата телесна тежина. За првиот дел од „Дневникот на Бриџит Џонс“, во 2001, Зелвегер се поправи околу 14 килограми. После оваа улога, таа мораше веднаш да ослабне и да се затегне за нејзината улога во мјузиклот „Чикаго“, за потоа повторно да ги зголеми килограмите за вториот дел од „Дневникот…“. За да ја зголеми телесната тежина за кратко време, таа јадела околу 4 илјади калории дневно и тоа брза храна: крофни, сендвичи, путер од кикирики, пица, чипс, шпагети и милкшејк.
„Открив дека една крофна нема ефект. Треба да јадете 20 крофни дневно за да има резултати“, вели таа.
Се шпекулира дека Рене држела строги диети потоа, како Аткинс диета, која што е диета без јаглехидрати и Зона диета. Нејзината официјална диета е исхрана составена од туна, ладно месо, салати и многу свеж зеленчук. Таа е зависник од џогинг. Трча шест дена во неделата по 7 километри, секојдневно вози велосипед до океан, потоа плива и се враќа дома возејќи. Вели дека најсекси се чувствува кога е физички активна.
Споделете со пријателите!
