Споделете со пријателите!
За да изгледате како суперхерој, треба да вежбате како суперхерој
Крис Еванс последниве години стана синоним за суперхерој. Популарниот „Капетан Америка“ е силен, голем и брз. Еванс за оваа улога се подготвувал со месеци, иако отсекогаш имал спортско тело. За оваа улога, тој морал напорно да вежба за да добие мускулесто тело. Неговите вежби, најмногу се состоеле од класичен бодибилдинг, бидејќи на тој начин се добива мускулна маса за најкратко време. Иако Капетан Америка е брз, што подразбира дека треба да се има кондиција за да се глуми овој карактер, Еванс воопшто не практикувал никакви кардио вежби – како трчање или возење велосипед, со цел да не го загрози темпото на „билдање“ на мускули. Начинот на вежбање бил – секој ден посебна група на мускули за да се добие најголем ефект. Вежбал секој ден а сабота му бил ден за одмор. Неговиот тренер открива дека најнеомилени му биле вежбите за нозе, но сфаќал дека долниот дел на телото не треба да се запоставува доколку сака врвни резултати.
Што се однесува до исхраната, консумирал протеини и протеински шејкови. Најмногу јадел пилешко месо, бадеми, многу овошје и зеленчук. Тој тврди дека цело време се чувствувал сит и дека му било тешко да се придржува до режимот бидејќи не чувствувал глад а морал да јаде.
Споделете со пријателите!
