Што е потребно за да изгледате како да имате натприродно голема сила
Хју Џекмен својата врвна физичка форма ја постигна на 41 година, или оној животен период кога силата опаѓа и е многу потешко да се одржи кондиција. Но култниот лик на „Волверин“ бара исклучителна сила за којашто Хекман „создаде“ забележителна физичка трансформација. На кој начин го направи тоа:
Исхрана
Џекмен внесувал дури 6 000 калории дневно. Јадел многу здрави масти бидејќи му била потребна голема енергија за напорниот тренинг. Јадел многу авокадо и јаткасти плодови, а денот го започнувал со овес и малку овошје, еден час пред вежбање. Пиел и протеински суплементи и задолжително протеинско смути после вежбање. Консумирал најмногу месо и зеленчук, направени во вок тава и тоа за појадок, ручек и вечера. Денот го завршувал со уште едно протеинско смути.
Вежбање
Клучот за да изгледате како да имате натприродно голема сила е всушност навистина да стекнете голема сила. Големите мускули Џекмен ги добил најмногу со вежбање тежински тренинг и подигање големи тежини. Актерот пред да се подготвува за оваа улога, вежбал во теретана, но никогаш претходно не подигал тегови. Како и да е, неговата заложба се исплатеше – тој не само што доби совршено тело, туку и стана вистински синоним за големиот стрипски јунак Волверин. Неговата фитнес рутина можете да ја погледнете овде.
