Бредли Купер за две филмски улоги направи големи фитнес трансформации
Бредли Купер отсекогаш имал атрактивен изглед, но за две негови филмски улоги, негова задача беше да направи екстремни фитнес трансформации – за едната улога требаше да има многу мускулесто и тонирано тело, додека за другата улога требаше да се здебели и да „напумпа“ мускули.
За неговата улога во холивудскиот акционен трилер „А – Тим“ (The A-Team), тој целосно се откажа од шеќер, сол и брашно. Воедно, тој целосно се откажа од алкохол. Неговата фитнес рутина се состоеше од два часа вежбање во теретана со личен тренер, вежбајќи вежби за сила и издржливост. Вежбаше според методот „3-2-1“ секој ден, рано наутро.
Што претставува „3-2-1 Методот“?
Оваа фитнес програма е составена од: 3 кардио сета, 2 сета тренинг за сила и 1 сет од вежби за средниот дел од телото (вежби за стомак и грб), сите во времетраење од по 10 минути. Освен овој метод, Купер планинареше со брз од на познатата патека во Ванкувер наречена „The Grind“.
„Беше многу лошо, но сепак си правев сендвичи. Едно зрно грозје го сечев на половина и на средина ставав еден бадем, знаете, за да направам мал сендвич. Тоа ми беше голема награда“, има изјавено познатиот актер.
За неговата улога во „Американски снајпер“ (American Sniper), филм снимен според вистински настан, Купер за да наликува колку што може повеќе на главниот лик, се здебели цели 20 килограми за да изгеда голем и масивен „како мечка“, вели тој. „Неговата големина била голем ден од она што е“, има изјавено Купер за ликот што го глуми. Кога започна да вежба за оваа улога, 39 годишниот Бредли имаше проблеми со грбот и рамената. Вежбаше напорно два пати во денот – првиот тежински тренинг во 5 наутро за да создаде основа, односно маса а вториот попладневен тренинг беше со фокус на традиционални вежби за мускули. Воедно, тој јадеше повеќе од 5 илјади калории дневно, распределени во пет оброци заедно со протеински напиток. Кога го прашале дали би поминал пак низ истата трансформација, кратко одговорил: „Нема шанси!“.
