Најновата мобилна апликација за запознавање се базира врз мразење на истите нешта
Зборот „хејтер“ доаѓа од американскиот жаргон за „човек кој мрази“, израз кој е одомаќинет низ цел свет, па и кај нас. Иако да се биде „„хејтер“ е негативна и корозивна емоција, денес, под директно влијание на интернетот и социјалните мрежи, „хејтер“ стана посакувана одлика на паметен човек кој не се сложува со популарните општоприфатени мислења. Гледано од оваа перспектива, да се биде „хејтер“, значи дека сте модерен човек, претставник на времето во кое живее.
Мобилните апликации го следат овој тренд, па така, создадена е новата апликација за запознавање наречена „Хејтер“; да најдете сродна душа која ги мрази истите работи што ги мразите и вие.
Поврзувањето со друга личност за нештата што ги мразите, може да биде посилно отколку поврзување според нештата што ги сакате. Озборувањето е еден таков пример.
Иако мразењето е негативно и непосакувано социјално однесување, сепак повеќе поврзува и создава чувство на блискост. За ова тврдење, има и доста обемни истражувања. Доколку апликацијата ви делува како шега, не грешите целосно, бидејќи идејата за неа започнала како шега. Сепак, оваа апликација не само што постои, туку стекнува сè поголема популарност. Засега е достапна само за iOS и само за самци, но понатаму се планира како апликација којашто ќе може да ја користи секој.
