Готвењето има свој посебен шарм и некои луѓе навистина уживаат кога ја приготвуваат храната што ја јадат
Доколку не сте голем љубител на готвењето, можеби треба да размислите и да му дадете втора шанса. Ако ги земеме во предвид резултатите од истражувањето во врска со оваа тема, тогаш би откриле дека луѓето повеќе ја сакаат и ја јадат здравата храна доколку сами ја приготвуваат.
Учество во истражувањето зеле 120 жени чија задача била да пробуваат милк шејкови. Секоја од жените направила шејкови самостојно. Што се однесува до составот, за дел од шејковите биле користени здрави, а за друг дел нездрави состојки. Од жените било побарано да оценат колку многу им се допаднал шејкот и колку е здрав според нивно мислење. Кога жените ги правеле шејковите самостојно им бил даден избор. Тие можеле да направат шејк од малина со малку калории или пак чоколаден шејк кој содржел многу калории. За секој од нив им биле дадени насоки како да го подготват. Потоа следела фазата на пробување. Жените започнале да пробуваат шејкови кои ги направиле самите тие или пак шејкови направени од некој друг. Во сите групи на жени кои зеле учество во истражувањето шејкот бил свежо подготвен, а при пробувањето жените можеле да го видат рецептот и состојките кои биле потребни да се подготви.
Резултатите покажале дека жените повеќе уживале во здравиот милк шејк доколку го направиле тие самите.
Што се однесува на нездравиот шејк, можноста самостојно да подготват шејк од нездрави состојки не влијаела врз нивното мислење за неговиот вкус. Од ова можеме да заклучиме дека кога ние самите готвиме храна обрнуваме повеќе внимание на здравите состојки, односно стануваме посвесни за состојките кои влегуваат во составот на оброците.
Ако дополнително ги разгледаме резултатите би забележале дека луѓето повеќе сакаат кога сами си ја подготвуваат храната, отколку кога некој друг ја приготвува.
Тоа е така затоа што во храната која сами сме ја зготвиле се вложил поголем труд. Исто така, се јавува и чувство на задоволство и исполнетост, а и чувството за натпреварување со некој друг. Бројот на луѓето кои биле вклучени во истражувањето бил мал и биле пробувани само милк шејкови, а не друг вид на храна. Поради тоа, дополнителни истражувања се можеби потребни за да подобро се разбере причината зошто жените повеќе ги сакале здравите шејкови кои сами ги приготвиле. Но сепак, благодарение на ова можеби ќе се зајакне трендот на подготовка на домашна храна според едноставни, но здрави рецепти, со цел да се потенцира здравиот, домашен оброк.
