firma-od-toronto-pomaga-vo-razvoj-na-medicinski-inovacii
Споделете со пријателите!

Во рок од пет години откако „Grand Challenges“ започна со своите активности, оваа организација поддржа околу 700 иновации во 80 земји. Комплет за новороденчиња, железна рипка против анемија, монитор за контрола на срцето на фетусот напојуван на ветер – се само дел од тие пронајдоци
„Во пет години оваа организација поддржа околу 700 иновации во 80 земји.“
Фирмата од Торонто Grand Challenges Canada – GCC претстави некои од новите примери на медицински иновации, кои имаат за цел да им го подобрат здравјето на луѓето кои живеат во послабо развиените области. Оваа канадска технологија вклучува монитор за срцето на фетусот напојуван на ветер, пронајдок кој е тестиран во Уганда. Друг пронајдок е нов дизајн на стапче за брис, за подобрување на дијагностиката и лекувањето на смртоносните детски болести од дијареја во Боцвана и Нунавут. Уредот пак, наречен „Среќна железна рипка“ – Lucky Iron Fish кога ќе се стави во тенџерето или тавчето во кое готвиме, помага да се справиме со анемијата.

Ново развиениот чист комплет за новородените е тестиран во Пакистан. Овој комплет за опстанок на новороденчињата – newborn survival kit содржи антисептички алатки за превенција на инфекции и мал уред кој може да ја одреди температурата на бебето, кој потсетува на прстените што ја менуваат бојата при расположението/температурата. Сината боја означува дека бебето има превисока температура, додека пак, зелената дека на бебето му е премногу студено.

Во рок од пет години откако Grand Challenges започна со своите активности, оваа организација поддржа околу 700 иновации во 80 земји. Главниот град на Канада – Отава само што донираше 161 милион долари за GCC да може да продолжи со својата благодатна работа. „Ние се надеваме дека ќе соработуваме со Владата и со нашите партнери за да се осигуриме дека Канада е лидер во здравјето на мајките, бебињата и децата со поддржувањето на смелите идеи кои имаат големо влијание“ – вели Д-р Питер А. Сингер – Peter A. Singer извршниот директор на Grand Challenges Canada.

Електроенцефалограм – EEG апликација за смартфон може да ги дијагностицира мозочните напади. Специјално капче се става на главата на пациентот и тоа ги отчитува мозочните бранови за да го детерминира типот на напад, како и лекот кој е потребен за одреденото нарушување. Фара Матин – Farrah Mateen која е вонреден професор на Универзитетот во Отава – University of Ottawa вели дека оваа направа е најсоодветна за руралните средини каде што нема невролози. Дури и кога некоја болница во областите во развој поседува опрема за EEG, таа е преголема за пренесување до пациентите. Затоа оваа апликација може да се користи за помагање на мајките, бебињата, а најмногу за неподвижните лица и инвалидите во руралните средини, кои не може да одат на лекар.

Прочитајте:  Роботи одредуваат дали сте убави [ВИДЕО]

firma-od-toronto-pomaga-vo-razvoj-na-medicinski-inovacii_1Новото АТ-колено претставува издржлива протеза за нога, за лицата со ампутирани екстремитети. Овој пронајдок е тестиран во Африка. Истражувачот Јан Андрисек – Jan Andrysek од детската болница за рехабилитација – Holland Bloorview Kids Rehabilitation Hospital вели дека оваа иновација обезбедува стабилност во коленото и е доволно издржлива за работа во песок или вода. Во Африка оваа протеза ќе биде користена со леснотија на нерамните територии, бидејќи многу од африканските области немаат патишта.

Hearing Access World – HAW пронаоѓа нови начини за справување со загубата на слухот во Гватемала со обезбедување на разновидни помагала за слух. Одра Рени – Audra Renyi извршниот директор на HAW користи мобилни технологии за обука на локалните жени да станат техничари за слух и да бидат во состојба да извршат скрининг, да ги наместат слушните помагала и понатамошните постапки. Рени вели дека овој проверен метод им помага на децата со проблеми со слухот да одат на училиште, а младите луѓе со оштетен слух, можат полесно да си најдат работа.

Нови очила им помагаат на луѓето да слушаат со нивните очи. Фирмата Sense Intelligent неодамна разви очила за соединување на звукот со сликата за да им помогне на глувите да зборуваат поточно. Директорот на компанијата Брајан Хаи Ху – Brian Hai Hu вели дека овие очила имаат софтвер кој ги прикажува звуците. Тие се тестирани во Кина и Индија, каде што децата се учат да го разбираат јазикот и звуците со помош на програма за визуелна реалност.

„Инвестирањето во GCC за забрзување на моќта на иновациите (тие во областите во развој можат) да преживеат и да напредуваат е друг пример на канадското глобално препознатливо лидерство во фокусирањето на светското внимание на здравјето на мајките, новородените и децата“ – изјави Роузмери МекКарни – Rosemary McCarney, претседател на канадската мрежа за здравјето на мајките, новородените и децата.


Споделете со пријателите!