Оваа година европската недела на имунизација ќе се одбележи од 24 до 30 април како дел од иницијативата на СЗО позната како Светската недела на имунизацијата
Широката примена на програмите за имунизација во текот на изминатите 30 години доведе до извонредени достигнувања. СЗО Европскиот регион е полио слободен од 2002 година, а случаите на малите сипаници (морбили или measles анг.) изминатата деценија во регионот, се намалија за повеќе од 90%.
Меѓутоа, уште многу треба да се направи. Речиси 650 000 на 10,7 милиони родени бебиња секоја година во европскиот регион не добиваат целосна серија од три дози од вакцината против дифтерија, тетанус и голема кашлица до едногодишна возраст. Ранливи популации постојат во сите земји и појавата на заразни болести продолжува да се шири во регионот.
Признавајќи дека секое дете заслужува здрав почеток во животот, треба да се искористи моментот на Европската недела на имунизација за зголемување на свеста за важноста на имунизацијата и да се зајакнат системите за имунизациа во сите земји.
Во април секоја година, учесници од целиот Европски регион и од светот ги здружуваат силите за да се нагласи важноста на вакцинацијата: најефективниот метод за спречување на заразни болести. Запрвпат обележана во 2005 година, Европската недела на имунизација (EIW) се прославува секоја година да се подигне свеста и да помогне да се задржи моментумот во борбата против болестите кои може да се превенираат со вакцинација.
Оваа година EIW, ќе се одржи на 24-30-ти Април и продолжува со минатогодишниот слоган „Заштити, Спречи, ВАКЦИНИРАЈ“.
Благодарение на силните програми за имунизација, 53 европски земји-членки на СЗО се сè поблиску од кога и да е за постигнување на целта, во целиот регион да се елиминираат малите сипаници и рубеолата. Направен е огромен напредок кон оваа цел, но потребни се поголема свест и посветеност за затворање на преостанатите недостатоци во имунизацијата и спречување на идните појави на овие болести.
Во согласност со глобалната тема “Затворање на јазот во имунизацијата”, EIW 2016 година ќе се користи за да се зголеми знаењето за статусот на мали сипаници и рубеола во европскиот регион и договарање на понатамошни дејства потребни во сите земји да се обезбеди еднаква заштита од овие болести за секого.
