eiw-2015-pharmanews
Споделете со пријателите!

И оваа година Македонија активно се вклучува во Европската недела на имунизација, која ке се одбележува од 20 до 25 Април, по 10ти јубилеен пат. Се води под мотото Заштити, Спречи, ВАКЦИНИРАЈ !

Зошто е важна Европската Недела на Имунизација?

Широката примена на програмите за имунизација во текот на изминатите 30 години доведе до драматично намалување на последиците и смртноста кои се должат на болести кои можат да се спречат со вакцинација. Европскиот регион на СЗО е сертифициран како полио слободен во 2002 година, а случаи на мали сипаници во регионот се намалени за повеќе од 90% помеѓу 1993 и 2007 година.

Меѓутоа, има уште што треба да се направи. Речиси 650.000 на 10.7 милиони деца секоја година кои се родени во европскиот регион не добиваат целосна три дозна серија од вакцината против дифтерија, тетанус и голема кашлица до една година и ранливи популации постојат во сите земји. Иронично е тоа што имунизацијата ги има направено многу заразни болести ретки или речиси нечуени, и доведува до мислење меѓу родителите и здравствените работници дека вакцините повеќе не се потребни. Ова може да ја направи довербата на јавноста во вакцините подложна на влијанието на анти-вакцинални групи и веб-сајтови.

Потребна е силна политичка поддршка за имунизација, или во регионот постојат големи ризици на повторна појава на многу заразни болести, кои предизвикуваат болест, инвалидност и смрт, и претставуваат значителен товар за здравствените системи и родителите.

Имунизација спасува милиони животи секоја година и оваа јавна здравствена успешна приказна мора да биде одржана. Земјите во регионот треба итно да обезбедат точни, избалансирани и разбирливи информации за ризиците од болести и придобивките од вакцинација. Признавајќи го фактот дека секое дете заслужува здрав почеток во животот, земјите можат да го користат моментумот на Европската недела на имунизација за подигнување на свеста за важноста на имунизацијата и да ги зајакнат нивните системи.

Прочитајте:  Состојба со грип во Република Македонија, сезона 2015/2016
до 47ма недела

Која е целта?

Целта на Европската недела на имунизација е да се подигне свеста за важноста на имунизацијата и да се зголеми покриеноста со вакцинација. Посебен акцент е ставен на активности за досегнување до ранливите популации. Слоганот Заштити, Спречи, Вакцинирај, го промовира јадрото дека вакцинирањето на секое дете е од витално значење за да се спречат болести и да се заштити неговиот животот.


Споделете со пријателите!