Хороскоп за 17 та недела: Дознајте какво ќе биде вашето здравје наредната недела, за да знаете што точно да игнорирате и да продолжите со старите навики надевајќи се на најдоброто.
Овен
Во теретана ги завршувате вежбите за 15 минути, бидејќи брзате да се погледнете во огледало за да видите колку сте ослабеле. Ќе се откажете од диета, бидејќи за две недели изгубивте точно 14 дена.
Бик
Вашата нова диета се состои од седум „cheat days“ неделно. Овошје консумирате често, а најмногу ферментиран сок од грозје. Според внесените податоци во BMI калкулаторот, заклучивте дека сте всушност ниски а не дебели, и потребно е повеќе да се истегнувате.
Близнаци
Во теретана најмногу време поминувате пред огледало, восхитувајќи се на вашата убавина. Повеќе килограми значи повеќе од вас, и навистина не гледате ништо лошо во тоа.
Рак
Вие сте убедени дека сте алергични на трчање, бидејќи еднаш кога пробавте да џогирате, лицето ви стана црвено , изгубивте здив и почнавте обилно да се потите.
Лав
Подобро ништо нема да јадете, отколку да јадете овес за појадок. Оние што се на диета, според вас се најтажните луѓе на светот.
Девица
Овој понеделник ќе заборавите да започнете со диета, па ќе мора да чекате до наредниот понеделник, бидејќи со диета никако не смее да се започне друг ден.
Вага
Вагата и вие се поврзувате само во хороскоп, бидејќи во животот ви е најголем непријател.
Шкорпија
Вашето сфаќање за здрава исхрана, подразбира јадење хамбургер во комбинација на диетален газиран сок, пет мали бонбони наместо чоколадо и сладолед за вечера. Не планирате да бидете на диета, таа е за слабаци.
Стрелец
Не ви е јасно како може некој да гладува, бидејќи вашата најголема љубов е храната. Вашиот успешен метод за одржување на добра фигура, се состои во избегнувате на нештата кои можат да ве направат дебели, како на пример ваги, огледала и фотографирање.
Јарец
Доколку некој навистина може да слабее со диета, тоа сте вие. Ќе ги нервирате сите околу вас со вашата дисциплинираност, па затоа ќе ве избегнуваат за излегување, бидејќи никој не сака да наздравува со цеден сок од цвекло.
Водолија
Ваш пример за релативноста на времето е разликата во траењето на една минута на лента за трчање и една минута лежење. Никогаш повеќе нема да ви текне да правите практични примери на лента за трчање.
Риби
Вие сте толку добри во спиење, што тоа може да го правите со затворени очи. Исто така, имате прочитано дека недоволниот сон води кон дебелеење.