estetska-rekonstrukcija-na-dojka-implanti
Споделете со пријателите!

Пластичната хирургија за некого е престиж, а за други е спас и начин за водење на нормален живот. Естетската реконструкција на дојка после мастектомија, т.е. после отстранувањето на дојката поради рак на дојка, за многу жени е решение за полесно пребродување на психичките трауми по загубата на женственоста.
Естетската операција на реконструкција на дојка е многу покомплицирана од вообичаеното зголемување/изедначување/намалување на градите. Кај пациентките кои имаат делумно или потполно отстранета града (мастектомија), оваа операција бара многу труд и работа од страна на прецизните хирурзи „уметници“, кои од ништо треба да направат нешто.

Користењето на силиконски импланти за реконструкција на отстранети дојки после операција на рак, најчесто бара повеќе од само еден оперативен естетско хируршки зафат. Најпрво треба да се растегне цврстата кожата со специјални импланти проширувачи, за потоа со следна операција да се вметне конечниот имплант и да не заборавиме дека треба да се реконструира и брадавицата. Оваа постапка може да бара додатни оперативни процедури во иднина, како што имплантите остаруваат, а со тоа се развиваат и други проблеми, како на пример затегнатоста на ожилното ткиво околу имплантот.

Видови импланти

Имплантите имаат разни големини, разни форми, различна текстура на површината и различен состав на внатрешната течност. Имплантите можат да бидат топчести и во форма на капка, а што се однесува до површинскиот дел, можат да бидат мазни или рапави. Во однос на составот, постојат неколку видови:

  • Солена вода;
  • Силиконски гел;
  • Комбинација од двете – силикон или растително масло во надворешната преграда, додека солена вода во внатрешниот дел;
  • Цврст силикон.

Како се поставуваат имплантите?

Имплантите најчесто се вметнуваат под пекторалниот граден мускул. За имплантска реконструкција, должината на операцијата и времетраењето на реконвалесценцијата се вообичаено пократки во споредба со други видови на реконструкција на дојка, како на пример со пресадување на масно ткиво во дојката.

Прочитајте:  Одберете ја најсоодветната перница за вас

Имплантите најчесто не траат доживотно

Американското здружение за естетска пластична хирургија – The American Society for Aesthetic Plastic Surgery и Американското здружение на пластични хирурзи – American Society of Plastic Surgeons велат дека речиси сите видови на импланти, без разлика со каков раствор се исполнети – траат помеѓу 10 до 20 години. За изборот на видот на имплантите и нивната големина, неопходна е консултација со естетскиот хирург.

estetska-rekonstrukcija-na-dojka-implanti_1Многу жени едноставно не се решаваат за реконструкција на отстранетите дојки, поради многу причини. Пред сè поради финансиски ограничувања, потоа поради страв од повторна операција или едноставно решаваат да продолжат со својот живот прифаќајќи се себе си онакви какви што се. На некои жени немањето дојка не претставува никаков проблем и причина за срам. Но, за сите кои не сакаат да одат повторно под нож или немаат пари за тоа, а не можат да се прифатат себе си, постојат други алтернативни (нехируршки) решенија, како градници со потполнки, специјални силиконски градници во форма на природна дојка или пак, силиконски дојки за вметнување во градник, кои се лепат на кожата.

Што и да одлучите, имајте на ум дека не сте единствени со ваков проблем!


Споделете со пријателите!