detski-mjuzikl-gradot-moli-ugushivte-boli_image
Споделете со пријателите!

Детски мјузикл „Градот моли: Ме угушивте, ме боли!“ во организација на Скопје Смог Аларм и во изведба на колектив „Ветерница“
Детскиот мјузикл „Градот моли: Ме угушивте, ме боли!“ ќе биде одржан утре, 20 октомври, со почеток во 19 часот во кино „Култура“, во организација на заедницата на екоактивисти „Скопје смог аларм“. Мјузиклот ќе биде во изведба на едукативно-креативен центар за деца и млади „Колектив Ветерница“.

Оваа претстава, која е наменета за децата и во изведба токму на најмладите, е со цел на креативен начин да го долови деценискиот проблем на град Скопје – аерозагадувањето, кое е алармантно и застрашувачко во поглед на смртност поради загадување  од ПМ честички и други отровни супстанци.

„Се надеваме дека пораката на оваа претстава ќе допре до срцата на оние кои имаат најголема моќ да преземат акции против оваа застрашувачка состојба на главниот град за еден ден да може Скопје да се гордее како еколошки и чист град“, велат организаторите.


Споделете со пријателите!