Секој родител треба да биде свесен за изложеноста на своето дете на УВ зраци особено кога се посетуваат места со поголема надморска височина, во тропски локации и во високо рефлективна средина (како на пример при скијање, на вода или на песочна плажа
Децата имаат потреба од УВ заштита дури и повеќе од возрасните. Зрачењето од УВ зраците е кумулативно, што значи дека продолжува да расте на сонце во текот на целиот наш живот. Имајќи го на ум овој факт, особено е важно да ги заштитиме детските очи од сонце заради тоа што генерално поминуваат повеќе време надвор од возрасните.
Всушност, некои експерти велат дека точно заради овој податок, до навршување на 18 години, човекот ја добива половина од целокупната животна изложеност на УВ зрачење.
Така, децата се повеќе подложни на оштетување на ретината од ултравиолетовите зраци, бидејќи леќите во окото на детето се појасни отколку кај возрасни, овозможувајќи им на повеќе УВ зраци да навлезат длабоко во окото. Затоа, бидете сигурни дека очите на вашите деца се заштитени од сонце со квалитетни очила за сонце или фотохромни леќи кога излегуваат на отворено.
УВ зраците не се единствената потенцијална опасност од сончева светлина. Неодамна, истражувачите сугерираа дека долготрајна изложеност на високо-енергетски видливи (HEV) светлосни зраци, исто така наречена „сино светло“, може да предизвика оштетување на очите со текот на времето. Особено, заради тоа што постои можност да таа HEV светлина придонесе за развој на макуларна дегенерација подоцна во животот.
Секој родител треба да биде свесен за изложеноста на своето дете на УВ зраци особено кога се посетуваат места со поголема надморска височина, во тропски локации и во високо рефлективна средина (како на пример при скијање, на вода или на песочна плажа). Заштитните очила за сонце се особено важни за децата во овие ситуации.
Нивото на UV заштита на очилата нема никаква врска со бојата на леќите.
Се додека вашиот оптичар потврдува дека очилата блокираат 100 проценти од сончевите УВ зраци, изборот на боја и нејзината густина е прашање на личен избор.
Добра опција е очилата кои ќе ги изберете да се со фотохромни леќи, кои се јасни во затворен простор и автоматски се затемнуваат со изложување на сончева светлина. Оваа опција може да ја елиминира потребата за посебен пар очила за деца кои имаат потреба од очила за корекција на видот.
Фотохромните леќи се достапни во различни материјали и бои на стаклата. Сите фотохромни леќи блокираат 100 проценти УВ и обезбедуваат голема заштита од високо-енергетската видлива сина светлина.
Што е потребно за да биде успешна мисијата – избор на очила за заштита од сонце на детските очи?
Во изборот на стилот на очилата, вклучете го и детето бидејќи така ќе бидете сигурни дека ќе ги носи. Постојат оптики кои се специјализирани само за детски очила за сонце каде децата преку игра имаат можност да изберат. За време на изборот и монтирање на очилата за сонце, оптичарот треба да им ја објасни придобивката од нивното носење и како да се грижат за нив.
Надополнување на изборот со „држачи“ е добра идеја која може да го превенира нивното губење.
Еден важен фактор што треба да се запамети е дека очилата за сончање се отпорни на удар (како што се бара од ФДА). Многу родители претпочитаат поликарбонатни очила за деца и за сончање бидејќи се силни, издржливи и отпорни на удари. За да биде максимално успешна мисијата на детските очи секогаш бидете сигурни дека сте ги вклучиле децата во изборот. Вие погрижете се за 100 постотна заштита и квалитетни стакла а визуелниот дел оставете го на вашите најмили.
