dali-vi-se-sluchila-biznis-adrenalinska-treska_image
Споделете со пријателите!

Склопувањето на договор знае да ве препоти? Во мозокот започнува адреналинска треска, односно брзо ослободување на хормонот адреналин во циркулацијата.
Подготвени сте. Само го чекате отчукувањето на часот за состанок. Непрестајно ви се вртат во главата сите работи на кои сакате да ставите акцент. Имате добро претчувство. Влегувате. Состанокот е веќе започнат. Отчукувањата на срцето полека се забрзуваат. Се трудите да дишете смирено и полека. Одеднаш, наплив на топлина го окупира вашето тело. Се прашувате ли што ќе се случува?

Склопувањето на договор знае да ве препоти? Претходно исплашени бидејќи не го знаете исходот, а сега задоволни, вие веќе го потпишувате договорот.

Успеавте! Но знаете ли што му се случува на вашиот организам додека вашиот адреналин доживува кулминација?

Адреналинот е еден од виталните хормони во човековото тело. Една навидум мала и безначајна стресна состојба знае да предизвика масивно испуштање на хормонот адреналин во крвотокот, познат и како епинефрин.

Производството на адреналин се јавува во надбубрежните жлезди. Адреналинот е одговорен за „fight&flight“ реакцијата и предизвикува низа специфични процеси во организмот.

Кога согледувате стресна или опасна ситуација во мозокот започнува адреналинска треска, односно брзо ослободување на хормонот адреналин во циркулацијата. Информациите за ситуацијата се испраќаат до дел од мозокот наречен амигдала. Оваа област на мозокот игра улога во емоционалната обработка. Ако амигдалата утврди дека има опасност, таа испраќа сигнал во друг регион на мозокот наречен хипоталамус.  Хипоталамусот е командниот центар на мозокот кој комуницира со остатокот од телото преку симпатички нервен систем. Хипоталамусот пренесува сигнали преку автономни нерви до надбубрежната медула. Кога надбубрежните жлезди го примаат сигналот, тие реагираат со ослободување на адреналин во крвотокот.

Прочитајте:  Протеинско лекување на најчестата болест на бубрезите

Кога ќе се најде во крвотокот, адреналинот:

  • се врзува за рецепторите на клетките на црниот дроб за да можат да разградат поголеми молекули на шеќер, наречени гликоген, во помал, покорисен шеќер наречен гликоза; ова ќе им даде на вашите мускули поголем поттик на енергија;
  • се врзува за рецепторите на мускулните клетки во белите дробови, предизвикувајќи побрзо да дишете;
  • стимулира клетките на срцето да чукаат побрзо што може да доведе до чувство на трчање на срцето;
  • ги активира крвните садови да контрахираат и да ја насочуваат крвта кон поголемите мускулни групи;
  • го стимулира потењето преку стимулација на потните жлезди;
  • зголемување на брзината со која мозокот работи за да испланира излез од ситуацијата;
  • се врзува за рецепторите на панкреасот да го инхибираат производството на инсулин.

Всушност, овие телесни промени се случуваат толку брзо што може дури и да не го процесирате целосно она што се случува! Ослободувањето на адреналинот во организмот се случува многу брзо, обично во рок од неколку секунди! Ефектите на адреналин врз телото може да траат и до еден час.

Зарем можете да не уживате за време на вашата адреналинска треска? Затоа продолжете со склопувањето на вашите бизнис договори!


Споделете со пријателите!