Истражувањето покрај ова откритие, покажало дека долгорочната употреба на нестероидни, различни од аспиринот противвоспалителни медикаменти може да биде поврзано со зголемениот ризик од рак на јајниците
Жените кои редовно употребуваат ниски дози на аспирин (100 мг или помалку) имаат 23 отсто понизок ризик од појава на рак на јајниците, споредбено со жените кои редовно не користат аспирин, покажало новото истражување од научните работници од Harvard TH Chan School of Public Health.
Истражувањето покрај ова откритие, покажало дека долгорочната употреба на нестероидни, различни од аспиринот противвоспалителни медикаменти може да биде поврзано со зголемениот ризик од рак на јајниците.
За разлика од претходните истражувања овој пат, научниците го анализирале аспиринот во мали дози од стандардните. – Нашето истражување потврдува дека испитувањата на употребата на лекарството и опасноста од појава на рак, треба да ја земат во предвид дозата на аспиринот, вели Моли Бернард, учесник во проектот.
Се повеќе истражувања посочуваат дека воспалението игра улога во развојот на ракот на јајниците. Истражувачите објаснуваат дека локализираното воспаление, кое се појавува при овулација, може да биде фактор кој допринесува за тоа. Се смета дека аспиринот го намалува развојот на заболувањето со снижување на воспалението.
Научниците го анализирале овој проблем кај 205 498 жени, од кои кај 1054 се појавил рак на јајниците. Тие ја следеле употребата на аспиринот кај дамите, ниските дози, користењето на неаспиринови лекарства и ацетоминофен, како и информациите за бројот на употребените таблети, честотата на користење, времето и продолженоста на употреба. При тоа, констатирале дека користењето на ниски дози на аспирин е поврзана со понискиот ризик од рак на јајниците, додека стандардната доза (325 мг) не била користена. Истражувачите не го следеле помалиот ризик од појава на ова лошо заболување при користење на подолг рок на мали дози од медикаментот. Нивниот заклучок е дека употребата на лекарства како ибупрофен и напроксен, користени во количества од најмалку десет таблети неделно, во текот на неколку години, може да биде поврзана со зголемената опасност од појава на рак на јајниците.
Сепак, научните работници се на мислење дека се неопходно повеќе испитувања и истражувања за да се констатира кои жени можат да добијат најмногу од користењето на ниски дози аспирин за намалување на ризикот од појава на рак на јајниците.
