dali-ste-meta-na-komarcite_image
Споделете со пријателите!

Има огромен број на истражувања што се спроведуваат за да се дознае кои соединенија и мириси кои што ги произведуваат луѓето би можеле да бидат (по)атрактивни за комарците.
Непријатните каснувања од комарци може да бидат кошмар во текот на летото. Кога нè каснува комарец нашиот имунолошки систем почнува да нè заштитува од нападот. Ова е слично на алергиска реакција и предизвикува отекување и чешање на кожата.

Зошто убодите од комарец предизвикуваат јадеж?

„Отекувањето околу убодениот дел на кожата е одговор на имунолошкиот систем на нашето тело.“

Кога комарецот прави убод на кожата, нашето тело ја препознава неговата плунка како туѓа материја. Ова предизвикува одговор на имунолошкиот систем, кој има за цел да го отстрани „натрапникот“. Отекувањето околу убодениот дел на кожата се појавува како резултат на хистаминот кој го произведува имунолошкиот систем. Хистаминот го зголемува протокот на крв и бројот на бели крвни клетки околу погодената област што предизвикува воспаление или оток. Каснувањето од комарец предизвикува и чешање бидејќи хистаминот, исто така, испраќа сигнал до нервите околу каснатото место.

Првиот пат кога едно лице е каснато од комарец, неговото тело може и да не реагира на овој начин. Имунолошкиот одговор е нешто што телото го осознава откако е изложено на непозната материја. Некои луѓе може и никогаш да немаат реакција на убод од комарец. Други може да станат потолерантни на убодите од комарците со текот на времето. За многумина, реакцијата останува конзистентна, поради што каснувањата од комарци и остануваат вознемирувачки.

Зошто комарците ги каснуваат луѓето?

„Крвта на човекот содржи хранливи материи што им помагаат на комарците да ги оплодат јајцата.“

Имено само женските комарци ги каснуваат луѓето и тоа го прават заради тоа што крвта на човекот содржи хранливи материи што им помагаат да ги оплодат јајцата. Комарецот го употребува остриот врв од својата уста за да ја пробие кожата, потоа го лоцира крвниот сад и ја впива крвта преку устата. Во овој процес тој инјектира плунка која содржи антикоагулант што спречува коагулација на крвта на лицето.

Дали одредени луѓе може да бидат магнети за комарци?

„Има огромен број на истражувања што се спроведуваат за да се дознае кои соединенија и мириси кои што ги произведуваат луѓето би можеле да бидат (по)атрактивни за комарците. Со 400 различни соединенија како предмет на испитување, тоа е исклучително макотрпен процес“, вели д-р Џо Конлон, технички советник на „American Mosquito Control Association“.

Се смета дека луѓето со високи концентрации на стероиди или холестерол на површината на кожата повеќе ги привлекуваат комарците. Исто така, луѓето кои произведуваат прекумерни количини на одредени киселини, како што се урична киселина, се мета на комарците. Луѓето кои испуштаат големи количини јаглероден диоксид, дури и на големо растојание се, исто така, привлечни за комарците. Во оваа група спаѓаат бремените жени бидејќи тие произведуваат поголемо количество на јаглерод диоксид. Движењето и топлината, исто така, ги привлекуваат комарците.

Прочитајте:  Што откриваат вашите нокти?

Третман на убоди од комарци

Следниве третмани може да помогнат да се намали отокот и чешањето на убодот од комарец:

Антихистаминици
Антихистамините се лекови кои помагаат да се намали воспалението и чешањето. Тие се ефикасен начин за лекување на каснување од комарци.

Примена на топлина
Примената на топлина на убод од комарец може да помогне да се намали воспалението и чешањето. Студијата од 2011 година покажала дека локално применетата топлина доведува до брзо олеснување на симптомите на убоди од комарци.

Примена на мед
Медот е антибактериски и може да им помогне на раните побрзо да заздрават. Една студија покажала дека природниот мед може да го намали воспалението и да ја спречи инфекцијата. Поради оваа причина, природниот мед може да помогне во намалување на симптомите на убод од комарец кога се применува на погодената област.

Кортикостероиден крем
Кортикостероидните креми може да го намалат воспалението и чешањето. Бидејќи овие креми се базирани на стероиди, треба да се користат поретко и не треба да се применуваат на отворени рани.

Масло од босилек
Антивоспалителните својства на маслото од босилек сугерираат дека тоа може да помогне во олеснување на воспалението од убоди од комарци.

Превенција од убоди од комарци

За да се намали ризикот за каснување од комарци треба:

  • Да се користат средства за заштита од каснување од комарци;
  • Да се носи лесна облека со долги ракави на места каде што има поголем ризик од каснување;
  • Да се избегнува алкохол, бидејќи тоа може да ја зголеми веројатноста за каснување.

Споделете со пријателите!