Истражувачите велат дека можат точно да ги идентификуваат луѓето пред да им се појават симптомите на Алцхајмерова болест дури до 20 години пред почеток на симптомите!
Тим на истражувачи од универзитетското училиште за медицински науки „Вашингтон“ во Сент Луис, Мисури тврдат дека постигнале значителен напредок кон развој на тест на крвта што може да ја открие Алцхајмеровата болест дури до 20 години пред да се појават симптомите!
За време на испитувањата, било мерено нивото на еден протеин, наречен бета амилоид, во крвта на 158 возрасни на возраст над 50 години, за да се види дали има совпаѓање на нивоата на овој протеин пронајдени при мозочните скенови на истите пациенти. Резултатите се потврдија, но само во 88% – што не е доволно точно за дијагностички тест!
Кога истражувачите ги комбинирале овие информации со два други фактори на ризик за појава на болеста – возраст од над 65 години и луѓе со генетска варијанта наречена АПОЕ4, што барем тројно го зголемува ризикот, точноста на тестот се подобрила на 94%! Ова би можело да помогне да се дијагностицираат многу повеќе луѓе отколку скапите скенирања на мозокот!
Единствен нивен услов било да учесниците во овие испитувања имаат само рани промени – како што е создавање амилоид во мозочните кори- но сè уште да немаат никакви когнитивни проблеми. Ова е поврзано со фактот што научниците можат да работат повеќе на превенција на болеста, за да можат да ја спречат деменцијата предизвикана од Алцхајмеровата болест.
По резултатите, тимот на научници се ентузијасти и се надеваат дека тестот ќе помогне во идните испитувања и во процесот на скрининг, а успешниот скрининг ќе допринесе и за успешен третман на Алцхајмерова болест.
„Во меѓувреме, со нетрпение ги чекаме резултатите од поголемите студии за да се провери овој тест на крвта“. Сега е време да се инвестира во истражувања за да се реализираат можните придобивки од тестовите на крвта, како и порано да се тестираат потенцијални лекови што можат да сменат живот“.- велат тие.
Добро е познат фактот дека Алцхајмеровата болест е најчеста причина за деменција. Во моментов нема соодветен третман за запирање на оваа болест. Протеинскиот амилоид бета може да се акумулира во мозокот кај луѓе со Алцхајмерова болест и да предизвика проблеми со меморијата како и промени во когнитивните способности. Единствен начин за тестирање и дијагноза сè уште е ПЕТ (Позитрон емисиона томографија) која е премногу скапа метода.
Дали ова е нова револуционерна дијагностичка метода за “Тивката болест”?
Сè уште се потребни многу испитувања и резултати за ова да стане полноправен дијагностички тест! Сепак, овој тест може многу да им помогне на медицинските здравствени работници во иднина со скрининг за Алцхајмеровата болест за неколку години – што порано лекарите можат да откријат знаци на оваа „тивка болест“, толку подобро!
