dali-multivitaminskite-suplementi-se-dobri-za-decata_image
Споделете со пријателите!

Изберете ги мултивитамините коишто се наменети за возрасната група на која припаѓа вашето дете
Храната е најдобриот извор на хранливи материи, витамини и минерали за децата на предучилишна возраст. Редовните оброци и закуски можат да ги обезбедат сите хранливи материи што им се потребни на повеќето деца на предучилишна возраст. Оттука, мултивитамините не се потребни за повеќето здрави деца што растат и се развиваат нормално за својата возраст.

„Иако пребирливи кога станува збор исхраната, тоа не мора да значи дека децата имаат недостатоци на витамини или минерали“

Иако многу мали деца се пребирливи кога станува збор исхраната, тоа не мора да значи дека имаат недостатоци на витамини или минерали. Всушност, многу типови на храна, вклучувајќи ги и појадоците од житарки, млекото и сокот од портокал, се збогатени со важни хранливи материи, како што се витамините Б, витамин Д, калциум и железо. Оттука, без разлика што вашето дете можеби одбива одреден тип на храна, тоа може да добива повеќе витамини и минерали отколку што мислите.

Покрај тоа, мултивитаминските суплементи носат и свои ризици. Мегадозите на витамини и минерали може да бидат токсични. Покрај тоа, некои витамини и минерали можат да остварат комуникација со лекови што вашето дете може да ги земе.

Кога да се консултирате со доктор?

Разговарајте со докторот на вашето дете доколку сте загрижени дали вашето дете го добива препорачаното ниво на витамини и минерали. Мултивитамиските суплементи може да бидат корисни за вашето дете ако тоа:

  • Има одложување на физичкиот развој или покажува потешкотии во напредувањето;
  • Има одредени хронични заболувања или алергии на некои типови на храна;
  • Има рестриктивна диета, како што е строга вегетаријанска исхрана.
Прочитајте:  План на оброци
за ниско-јаглехидратна диета

Доколку докторот на вашето дете ви препорача вклучување на мултивитамински суплементи, изберете ги оние коишто се наменети за возрасната група на која припаѓа вашето дете и коишто не обезбедуваат повеќе од 100 проценти од препорачаната дневна вредност на витамини и минерали. Покрај тоа, задржете ги мултивитамините надвор од дофат на вашето дете објаснете му дека тие не се бонбони коишто може да се јадат во било кое време.


Споделете со пријателите!