Алуминиумската фолија за пакување или подготвување на храна е токсична, особено кога е во комбинација со висока температура!
Алуминиумската фолија, алуминиумски садови за готвење, пакување или подготвување на храна, е често решение кое го користиме во нашите домови но малкумина од нас знаат дека таа може да биде опасна доколку не се користи правилно, особено кога е во комбинација со висока температура!
Шансите за да алуминиумот премине во храната се поголеми кога приготвуваме кисела и течна храна која содржи лимон и сок од домати отколку во оние храни кои содржат алкохол или сол. Киселата храна предизвикува агресивен процес кој ги раствара слоевите на алуминиум. Нивото на истекување на алуминиум се зголемува уште повеќе кога се додава зачин во храната која е подготвена со алуминиумска фолија.
Алуминиумската фолија, алуминиумски садови за готвење, пакување или подготвување на храна, може да бидат опасни по здравјето и затоа се сугерира алуминиумските продукти да не се користат за готвење.
При направените анализи на храна која е печена со алуминиумска фолија, пронајдени се големи количини на алуминиум во неа. Овој метал е опасен бидејќи кога се акумулира во организмот може да предизвика сериозни болести од кои едната е Алцхајмер.
Колку што е повисока температурата со која се подготвува храната директно обложена со фолијата, поголема е шансата алуминиумот да се најде во храната – објаснува авторот на студијата.
Доколку ја користите алуминиумската фолија за обвиткување на ладна храна таа е безбедна, бидејќи при ниски температури не се разложува нејзината структура.
Таложењето на алуминиумот во организмот може да биде опасно, особено за коските и крвниот систем. Човечкото тело може лесно да се справи со мали количества алуминиум со тоа што ги елиминира основно преку бубрези. Но доколку станува збор за минималната изложеност на алуминиум.
Со оглед на кумулативната природа на алуминиум во организмот после изложеност на продукти кои го содржат, Панелот на Европската асоцијација за безбедност на храна смета дека е посоодветно да се воспостави толерантна неделна доза (TWI) за алуминиум, а не толерантна дневна доза (TDI). Врз основа на комбинираните докази од студиите кои се посочени во научното мислење од ЕФСА, Панелот воспостави толерантна неделна доза TWI од 1 mg алуминиум/kg т.т./ неделно.
Алуминиум е присутен и во прехрамбени продукти како што се пченка, кашкавал, сол, билки, зачини и чај. Се употребува во прибор за готвење, како што е опишано погоре, како и во фармаколошки агенси како што се антациди и антиперспиранти. Алуминиум сулфат, кој е изведен од алуминиум, се користи како коагулант за време на процесот на прочистување на водата за пиење.
Најдобар показател дека телото се бори со голема количина на алуминиум е покаченото ниво на калциум, што може да предизвика негово таложење во коските и на крај да доведе до остеопороза.
Претходни истражувања покажале дека кај заболените од Алцхајмер е пронајдено високо ниво на алуминиум наталожен на мозочното ткиво. Тоа го утврдиле по смртта на болните со обдукција.
Така, доколку сакате да ја печете храната на висока температура, а храната да не ви загори и притоа да го зачувате вашето здравје, добро би било алуминиумската хартија да ја замените со хартија за печење.
