BioHabit онлајн продавница за органски козметички производи за убавина и здрав животен стил
Производството на природна и органска козметика е најдинамична во светот и ерата во која живееме. Таа мора да ги обедини иновациите и промените во модните трендови, науката, знаењето, технологијата, естетиката и на тој начин да го привлече вниманието на купувачите и да ги пробуди позитивните емоции.
Нашата љубов и пасија кон природата овозможи да се приклучиме кон зелениот бран во светот, да бидеме весници на здрав животен стил, сè со цел да ја подигнеме свеста за употреба на производи на вашата кожа, како и да кажеме СТОП на парабените, конзервансите, хемикалиите, ГМО и злоупотребата со тестирање на истите врз животни. Единствената цел е да ве потикнеме да создадете органска навика за негување. Но, не застанавме тука, секогаш може да се направи повеќе.
Зошто купување преку интернет?
Живееме во време на константни и многу брзи промени, како се менуваат желбите и можностите на клиентите, така посакуваме да се доближиме сè повеќе до вас. Користеќи ја електронската комуникација, сакаме производите да ви бидат достапни во секое време, место каде ќе го изразите вашето мислење, став и искуство. Така, ја создадовме електронската продавница www.biohabit.mk, за да ви понудиме луксузни, сигурни, проверени, 100% природни и сертифицирани органски производи за вас и вашите најмили, создавајќи култура за органска убавина и здравје.
Под мотото „Чувствувај се Луксузно, Пробај Органско!“, на нашата електронска продавница www.biohabit.mk, можете да ги купите француските сертифицирани BIO&ORGANIC брендови.
GamARde – Препаративна козметика
Laboratoires Dermatologiques GAMARDE – Франција, експери во областа на дерматологијата, создава високо ефикасна и сигурна 100% природна и органска дермокозметика базирана на иноватен микс помеѓу термална вода „Гамард“ и органско масло од aрган. Природно минерална и богата со сулфур, лековитата термална вода со своите заштитувачки, омекнувачки и смирувачки дејства, ги намалува и спречува иритациите и црвенилото на кожата, ја омекнува и ја прави поздрава. Органското масло од арган е вистински бесценет нектар, благодарение на големото присуство 80% на омега 6 масни киселини.
Со извонредна хидратантна и хранлива моќ, анти-ејџ ефект и обновувачко дејство, аргановото масло е идеално за враќање на балансот и еластичноста на кожата, давајќи чувство на комфор и благосостојба. Изобилство од препарати за лична хигиена и нега, за сите типови на кожа па дури и за најчуствителната и реактивна кожа. Дермокозметика наменета за целото семејство.
PHYT’S Organic Makeup – Декоративна козметика
Laboratoires Phyt’s – Франција создава високо квалитетни производи кои ја почитуваат вашата кожа и животна средина. Тие се првата компанија која е целосно органски сертифицирана и нуди целосен асортиман на производи од 100% природно потекло. Течни пудри, руменила, маскари, туш за очи, моливи за очи, кармини и сјаеви за усни. Миријада од неодоливи бои од минерални пигменти, богати со растителен витамин Е, путер, восок, екстракти од органски растенија и есенцијални масла. Сигурни и безбедни, за безброј makeup комбинации за вашиот природен изглед.
Sharini Parfums Naturels – Франција преставува романтично и луксузно навраќање кон природното потекло на парфемот од креаторот Николас Џенингс. Рачно изработени по методи стари преку 120 години, креира 100% природни и органски сертифицирани парфеми во склад со природата, а не против неа. Тие се благодет не само за сетилата и душата, туку и за кожата која конечно може слободно да дише и заедно со нас да ужива во прекрасниот мирис нанесен на неа без да предизвика алергиска реакција. Се произведуваат само околу 5,000 парфеми годишно, достапни во 8 мирисни ноти кои ќе ве воведат до патот на елеганцијата, екстремно префинети, создадени за сите вљубени, нежни и романтични души, благородни, едноставно рај за сетилата за мирис.
Сите брендови се сертифицирани како органски од страна на институција за органски сертификат Qualité France и ECOCERT, согласно стандардите на COSMEBIO.
Гарантираат природна козметика каде состојките од растително потекло доаѓаат од органска култура, кои се согласни на нормите и правилата на одгледување на растенија кои ја почитуваат и заштитуваат околината. Нашата понуда на онлајн продавницата постојано ќе ја шириме, не заборавајќи дека сакаме да продаваме само и исклучиво она во што навистина веруваме и она што го познаваме. Отворени сме за сите присутни брендови на македонскиот пазар кои се органски сертифицирани.
Свесни сме дека електронското купување кај нас не се користи многу, но мора да бидеме во чекор со светот.
Создадовме услови за сите фактори кои влијаат на нашите купувачи за сигурност во плаќањето, заштита на личните податоци, квалитетот, ефикасноста и практичноста на производите, брзата испорака и лесна комуникација со нашата компанија.
Забавните содржини, промоциите, игрите, советувањата се дел од нашите приоритети. Цел е купувачите да се чуствуваат пријатно и сигурно при купување на услугата за да станат задоволни и лојални клиенти истовремено заштедувајќи време и труд.
Се надеваме дека за вас или за вашите најмили,
природната убавина ќе започнe тука www.biohabit.mk!
Biohabit – Земја на потекло: Природата
www.biohabit.mk
facebook: BioHabitShop
Instagram: biohabit_shop
Дистрибутивен магацин:
ул. Рајко Жинзифов бр. 23а
contact@biohabit.mk
тел: 02/3246-989
моб: 070/360-337
*комерцијален текст
